Республика кыттыгастаах 52 акционернай общество баар
Четверг, 25 Апреля 2013 09:06
СР Баайга-дуолга уона сир сыһыаннаһыыларын министиэристибэтин сайта иһитиннэрэринэн, республика кыттыгастаах акционернай хампаанньаларга 2012 сыллааҕы отчуот саҕаланыахтаах. Миниистир Евгения ГРИГОРЬЕВА муус устар 22 күнүгэр ким хаһан отчуоттуур графигын бигэргэппит.
Сыл түмүгүнэн акционернай мунньахтар ыытыллыахтаахтар. Онно тэрилтэлэр былырыыҥҥы үлэлэрин отчуоттуохтара, быйылгы соруктарын кэпсиэхтэрэ.
Санатар эбит буоллахха, республика 52 акционернай обществоларга акционер. Онтон 25-гэр 100% акцияны тутар. 11 обществоҕа 50-тан 100%-ҥҥа диэри кыттыгастаах уонна 16 тэрилтэҕэ 50%-тан кыра кыттыгастаах.
Бу испииһэк сылын аайы аччыы турар.
***
Аартык.ру