Ньурбатааҕы корреспондеммыт биллэрбитинэн, "обостонуопка отой омуннаабакка эттэххэ оргуйан олорор, хандьытааттар хараҥа сири буллулар да харса-хабыра суох хадьырыйса сылдьаллар". Инньэ гынан, эрдэ куоластаабыт 7 кытыы нэһилиэккэ ХРИСТОФОРОВА хаардыы хаампыт эбит буоллаҕына, бэҕэһээҥҥи арыый да Ньурба куоратыгар чугас сытар 10 нэһилиэктэр куоластара араас буолбут. Чаппанда, Акана, Үөдэй олохтоохторун сорҕото урукку кулубаларыгар ПРОКОПЬЕВКА куоластаабыттар. Оттон Дьоондоор кулуба сыдьааннара - дьаархаттар уонна күндээдэлэр эдэр "ньыгыл" уолу - ФОМИНЫ талбыттар. ХРИСТОФОРОВАҔА хорулалар, ньурбачааннар, хаҥаластар куоластаабыттар. Уопсай ахсаанынан билиҥҥитэ ХРИСТОФОРОВА кыратык арыттаан ПРОКОПЬЕВЫ сабырыйан иһэр. ФОМИН үһүс. Оттон Наконечнайдаах Щука бэрт дуона суох куоластаах быдан кэнники лэппэрдэһэн иһэллэр. ***
Баартыйа ыйыыта-кэрдиитэ сүрдээх. Сорох хадьытаакка хандьытааттар түүннэри ыалы кэрийэн "миэхэ куоластааҥ" дии сылдьаллара иһиллэр. Сорохторо сарсыарда кулууп иннигэр туран "Киса Воробьянинов курдук" куолас көрдөһөн тоҥхоҥнуу тураллара кытары баар эбит. Сорох хандьытаат праймериз түмүгүн кэтэспэккэ (ол аата түмүгүн эрдэ билэр буоллаҕа) дьиэтин диэки Дьокуускайга ыстанан истэҕинэ, суол ортотуттан  төттөрү Ньурбаҕа хайыһыннарбыттар. Саатар аатыгар да тиийэн "куолас туһугар" сыратын бараабытын дьоҥҥо-сэргэҕэ көрдөрүөхтээх этэ буоллаҕа. Чиэһинэйдик кыайдым дэттэрэр гына. 
***
Оттон эрдэ хотуулаах  испииһэк баарын өссө да итэҕэйбэт хандьытааттар харчыларын тэбии-тэбии сүүрүү-көтүү, көлөһүн-балаһын аллыы буола сырыттахтара.
***
Республиканскай даннайынан Ньурбаҕа 5,5 тыһ. выборщик баар диэн, оттон олохтоох "ньыгыллар" 7 тыһыынчаттан тахса испииһэги тута сылдьаллар. 
ШОУ салҕанар.
***
Аартык.ру