Онон да буолуо, сарсын, муус устар 23 күнүгэр, Ил Түмэн иккис этээһигэр - Депутаттар хосторугар Афанасий МАКСИМОВ бэрт суһаллык пресс-конференция биэрэн эрэр. Саҕаланыыта 09.30 чаастан. Оттон 11.00 чааска - суут. "Айдаан тардааччы" депутаты суут бириэмэтигэр аарыстаан да кэбистэхтэринэ көҥүл.
Ааспыт Ил Түмэн уочараттаах 42-с мунньаҕар А.Подласенко прокурор боппуруоһун сессия бэбиэскэтигэр киллэриэххэ диэн, Афанасий МАКСИМОВ трибунаттан туруорсубута. Улахан айдаан тахсыбыта. Сессияҕа кэлэн олорор Анатолий ПОДЛАСЕНКО тугу да эппиэттээбэккэ кумааҕынан саптан олорбута. Спикер Виталий БАСЫГЫСОВ мунньахха кыттыбыт президент Егор БОРИСОВЫ уонна прокурор Анатолий ПОДАСЕНКОНЫ тугу эмэ хардаралларыгар иккитэ этэн көрбүтэ да, анарааҥҥылара саҥарбакка олорбуттара. Атын депутаттар Афанасий МАКСИМОВ туруорсуутун күүрээниттэн улаханнык саллыбыттарын кэпсииллэр. "Итинник буолуоҕун ким да күүппэтэҕэ", - дэһэллэр. Ол гынан "прокурор боппуруоһа" сессияҕа көрүллүбэтэҕэ, депутаттар элбэх ахсаанынан куоластаан бэбиэскэҕэ киллэттэрбэтэхтэрэ. Кимнээх утары куоластаабыттарын сэрэйиэххэ сөп.
Афанасий МАКСИМОВ пресс-көмөлөһөөччүтэ этэринэн, сарсыҥҥы пресс-конференция тиэмэтэ - ааспыт сессия боппуруостарын тула барыахтаах.  
***
Аартык.ру