Санатар эбит буоллахха, муус устар 10 күнүгэр, Талакааҥҥа улахан уйуктаах сөмөлүөттэри түһэрэр кыахтаах аэропорт аһылларыгар «Роснефть» салайааччыта уонна РФ президенин иһинэн үлэлиир ТЭК стратегическэй сайдыытыгар, экологическэй куттала суох буолууга хамыыһыйа эппиэттиир сэкиритээрэ Игорь СЕЧИН кэлиэхтээҕэ. Ол гынан баран, СЕЧИН кэлэрэ эмискэ тохтотуллубута, төрүөтүн ким да аһаҕастык биллэрбэтэҕэ. 
СЕЧИН билиҥҥи президент киһитэ диэн ааттанар. Ол аата гаас-ньиэп баайыгар улахан уларыйыылар тахсаары гынан "Путин киһитэ" кэлбэтэҕэ буолуо диэн сэрэйэллэр. "ЯТЭК" ини-бии Магомедовтар бас билиилэригэр киирэн олорор, оттон дагестаннар олигархтара Дм.Медведевы кытары ыкса сибээстээҕэ биллэр. Путин уонна Мдведев кланнара билигин сир баайын саҥалыы үллэстэн эрэллэр. Ол иһин даҕаны "ЯТЭК" хампаанньаҕа дьэҥдьиир саҕаланнаҕа, Магомедовтар дьоннорун тутаттаан эрдэхтэрэ. 
***
Информация сааһыламмытын кэннэ "Аартык.ру" бу тиэмэҕэ киэһэлик соҕус матырыйаал бэлэмнээн таһаарыаҕа. 
***
Аартык.ру