Соторутааҕыта уоппускаттан тахсан саҥа үлэлээн эрэр Анатолий КЫРДЬАҔААҺАП бу суруктан "соччо соһуйбатаҕын" туһунан "Аартык.руга" этэр: "Туох да улахан кутталлаах сурук суруллубата. "ЖКХ Губинский" УК тэрийээччитэ буоларбын үлэҕэ ылалларыгар билэр этилэр. Оччолорго ол харгыс буолбатаҕа. Билигин сокуон ирдиир буоллаҕына, тэрийээччи аатыттан тахсыахпын сөп. Улахан проблема буолбатах".
Итини таһынан, Анатолий Андреевич балаҕан ыйынааҕы быыбарга куорат Думатыгар депутат мандатыгар киирсэр санаалааҕын эттэ.
- Прокуратураҕа сыһыаннаах айдааны утарылаһааччыларыҥ сакаастаабыт буолуохтарын сөп дуо? - диэн ыйытыыга, Кырдьаҕааһап ыгдах гынна уонна "буолуон да сөп" диэн хардарда.  
***
Кырдьаҕааһап "Ракитин дьыалатыгар" туоһу быһыытынан силиэстийэ кэмигэр ыҥырылла сылдьыбыт.
Санатар эбит буоллахха, былырыын СР ОДьКХ уонна энергетикэҕэ солбуйар миниистирин Вадим РАКИТИНЫ уоргаттар бэриккэ туталларыгар, "СЭГХ" МКУ салалтата "бастакы скрипкэ" тыаһын тыаһаппыта. 
***
Аартык.ру