Ол иһин былыргы саха аньыы-хара оҥоһуллар күннээх да буоллаҕына "бэдэрбиттэн буолбакка, бэйэбиттэн иэстэс" диэн Аар Айыылартан көрдөһөрө. Тоҕо диэтэххэ, тыынар тыыннаахха саамай уйан миэстэтэ - ыччата. 
***
Кэнники кэмҥэ үтүктүспүт курдук республикаҕа биллэр-көстөр дьон оҕолоро араас быһылааннарга түбэстилэр. Наркотигы утары общественнай тэрилтэ тэрийэн үлэлээбит киһи уола наркотик атыылаһан тутуллар, улахан дуоһунастаах киһи уола түүҥҥү кулуупка сиэри таһынан "күүлэйдиир" диэн... Аны бу соторутааҕыта биллэр суруналыыс уола, Москуба транспортка прокурорунан үлэлии сылдьан, массыынаттан 4 мөлүйүөн солкуобайы ылан тутуллубут.  34 саастаах Денис ЕВДОКИМОВ тутуллубутун үлэлиир тэрилтэтин пресс-сулууспата маннык эппит: "Установлено, что в минувшую пятницу Евдокимов, находясь в салоне автомобиля, получил денежные средства в сумме 4 миллиона 250 тысяч рублей за прекращение проверок в отношении двух юридических лиц, а также предоставление им возможности беспрепятственно осуществлять предпринимательскую деятельность».
Денис ЕВДОКИМОВ Дьокуускай куорат прокуратуратыгар үлэлээн баран транспорт прокуратугарытагр үлэлии көспүт. Биэс сыллааҕыта үрдээн Москубаҕа үлэлии барбыт. ЕВДОКИМОВ ийэтэ - SakhaNews интернет-портал тэрийээччитэ, суруналыыс Тамара ШАМШУРИНА уола диэн "ЯВ" сайта суруйбут. Тамара Сергеевна бэйэтэ Москубаҕа олорон үлэлиир, оттон порталын Саха сиригэр кыра уола салайар дэниллибит. Санатар эбит буоллахха, ШАМШУРИНА кыыһа - Андрей И бастакы кэргэнэ оҕотунаан трамвайга (электричкаҕа?) киирэн биэрэн суорума суолламмыттара. 
Денис ЕВДОКИМОВ буруйа суукка дакаастанар түбэлтэтигэр 15 сылга диэри хаайыллыан сөп.
***
Аартык.ру