***
Владимир ФЕДОРОВ. Урут сирэй билсибэт этим. Ыраахтан кэтээн эрэ көрөрүм. Владимир Юрьевич чугас билистэххэ наһаа... туох диэн этиэххэ сөп эбитэ буолла... күлэн этэрин дуу, кырдьыгынан этэрин дуу ылбычча киһи быһааран биэрбэт киһитэ эбит. Наһаа саҥалаах – биир күдьүс түһүүтэ-тахсыыта суох куолаһынан субурутан олорор. Хардата суох хаалбат, онон-манан элэгэлдьитэн сороҕор биэрбит боппуруоскун умнуоххар диэри эргитэн-урбатан ханна эрэ тиэрдэн кэбиһэр. Бэйэтин, дьону үгэ-хоһоон курдук көрүдьүөстүк кэпсэнэр, кэпсиир дьоҕурдаах эбит. Туттар-хаптар, онтун туораттан одууланар курдук. Ити омос көрдөххө. Дьиҥ иһигэр киирдэххэ хайдаҕын тымтыктанан билбит суох.
***
***
Аартык.ру Ил Түмэҥҥэ Сайсары уокуругуттан норуот депутата Владимир ФЕДОРОВТЫЫН кэпсэппититтэн быһа тардан билиһиннэрэр:
- Партиялааххын этэ дии, “единэйгин”?
- Суох, тахсыбытым.
- Хаһан?
- Наһаа өр тулуйа сатаабытым. Онтон тиһэх хааппыла былырыын киин куорат мээрин быыбарын кэнниттэн, Сан Саныч (Гордума спикерэ САВВИНОВ – аапт.): “Владимир Юрьевич, “единэй” партия чилиэнэ Айсен Сергеевич Николаев быыбарга кыайарын туһугар, партия чилиэнэ буоларыҥ быһыытынан туох кылааты киллэрдиҥ?” – диэн ыйыппытыгар тулуурум бүппүтэ.
- һа-һа..
- Кырдьык (кыратык да ымах гыммат). Онтон бэттэх партиям суох.
- Оттон “Гражданскай платформаҕа”?
- Мин көннөрү Михаил Прохоров “Гражданскай платформатын” өйүүбүн.
- Куоракка “Гражданскай платформа” холбоһугун тэрийиэхтээххит дуо?
- Тэрийиэхтээхпит.
- Ким салайааччы буоларый?
- Бастаан тэрийиэхпитин наада, онтон ким салайааччы буолара көстөн иһиэҕэ. Тэрийэ да иликкинэ туох диэн этиэххиний. Өлөрүллэ илик эһэ тириитин үллэстэн...
- ...Ил Түмэн быыбарыгар кыттаҕын дуу, Куорат Думатыгар бараҕын дуу?
- Ил Түмэҥҥэ. “Куорат Думатыгар кыттар баҕалаахпын” миэхэ бэйэбэр кэпсээбиттэрэ. Ол гынан баран Ил Түмэҥҥэ барабын...
- ...”кэргэнин кытары быыбарга кытыннарар баҕалаах” диэн сурах баара...
- Билиҥҥээҥҥэ диэри оннук этии киирэр. Кистээбэппин.
- Арба, да Михаил ПРОХОРОВ кэлэр, үргүлдьү Тааттаҕа ааһар үһү диэн кэпсээн төһө оруннааҕый?
- Кырдьык, муус устарга кэлиэхтээх. Бу диэн чуолкай чыыһылатын этэр кыаҕым суох, сол курдук программатын ис хоһоонун эмиэ билбэппин.
- Арба, да Михаил ПРОХОРОВ кэлэр, үргүлдьү Тааттаҕа ааһар үһү диэн кэпсээн төһө оруннааҕый?
- Кырдьык, муус устарга кэлиэхтээх. Бу диэн чуолкай чыыһылатын этэр кыаҕым суох, сол курдук программатын ис хоһоонун эмиэ билбэппин.
- Владимир Юрьевич, Ил Түмэн III-с IV-с мунньахтарыгар депутаттаабытыҥ. Сайсарылар эрэнэр буолан икки болдьоххо депутатынан таллахтара?
- Оннук.
- Куораты мырааҥҥа көһөрөр идиэйэҕин былырыын кулун тутардааҕы мээр быыбарыгар элбэх киһи сэҥээрбитэ.
- Оннук.
- Куораты мырааҥҥа көһөрөр идиэйэҕин былырыын кулун тутардааҕы мээр быыбарыгар элбэх киһи сэҥээрбитэ.
- Дьокуускай Бүлүү аартыгын эрэ диэки улаатар кыахтаах. Ити санаабын билигин да этэ-тыына сылдьабын. Бу кыһыҥҥыттан Сайсары күөл, кини аттынааҕы олорор куорат оруйуонун социальнай-экономическэй сайдыытын программатын оҥорон, ону ылсан үлэлии сылдьабын.
- Ээ, арба күөлтэн тимир буочуканы хостоттуҥ этэ ди...
- Туймаада биир кыраһыабай, дириҥ историялаах күөлүн чөлүгэр түһэрэргэ ылсыбыппыт ыраатта. Ити мин кэпсии сатыыр “Сайсары түөлбэтин социальнай-экономическэй сайдыытын туһунан" программам 2017 сылга диэри былааннанан оҥоһуллубута. Манна дьиэ-уот тутуутуттан саҕалаан экология боппуруоһа барыта киириэхтээх.
- Үбүлэниитэ хантан кэлэрий?
- Депутат быһыытынан бюджеттан харчы көрүллэрин курдук туруорсуохтаахпын. Сайсары олохтоохторо итиннэ миэхэ өйөбүл, күүс-кыах буолуохтарын наада. Миигин өйүүр дьон элбэх, ону билэбин. Аҥаардас Дьокуускай куоракка “Гражданскай платформа” холбоһуга тэрийэбит диэн этии тураатын кытары тыһыынчанан киһи сэргэхсийэ түспүтэ.
- Партия чилиэннэрин хаҥатарга билиҥҥитэ наһаа ыксаабат быһыылаах дии...
- Туох барыта бэрээдэктээх буолуохтаах. Партия Устаабыгар чилиэннэри ылыы бэрээдэгэ чопчуланнаҕына ол ирдэбилинэн көрөн үлэлээн барыахпыт.
- Кулун тутар 15 күнүгэр Ил Түмэн уочараттаах мунньаҕа буолар. Айдааннаах сокуон барыла ылыллыа дуо?
- “Биир ньыгыл Россия” фракцията көҕүлээн Ил Түмэн, муниципальнай быыбардарга партиялар кыттар бэрээдэктэрин уларыта сатыы сылдьаллар. Урут биир региоҥҥа партия биир испииһэги туруорар эбит буоллаҕына, билигин “единэйдэр” хас биирдии быыбардыыр уокурукка – 35 атын-атын испииһэгинэн партиялары кытыннара сатыыллар. Ол, биллэн турар, улахан партияҕа кыаллар, киһилэрэ элбэх. Оттон кыра уонна саҥа партияларга ити балаһыанньа уустук. Ил Түмэҥҥэ “единэйдэр” бэйэлэрин ахсааннарын элбэтэр сыалтан быыбар сокуонугар уларытыы киллэрэ сатыыллар.
- Киллэриэхтэрэ дуо?
- Дьоннорун барытын мунньан, кворуму толордохторуна күүстэринэн сыһан-соһон сокуоҥҥа уларытыыны киллэриэхтэрэ. Өссө биирдэ этэбин: сыһан-соһон, сэттэ көлөһүннэрин тоҕон! Биһиги уонна коммунистар, сиэрдээхтэр саҥа уларытыыны утарабыт. Атын партиялар быыбарга кыттар тэҥ балаһыанньалаах буолуохтаахтар. Күүстэринэн киллэрдэхтэринэ суукка да үҥсүөхпүт.
- Парламент аныгыс мунньаҕар “единэйдэр” хас бырыһыаны ылыахтара дии саныыгын?
- Биири этиэхпин сөп: хайдах да тиэриллибиттэрин иһин парламены баһылыы-көһүлүү олорбуттара син биир тохтуоҕа, улахан аҥаарын кыайан ылыахтара суоҕа. Итини көрбүттээҕэр сэрэйбит ордук, - диэн баран Владимир ФЕДОРОВ атын суруналыыстарга видеоинтервью биэрэ барда...
(Интервью толору көрүҥүн аа-дьуо билиһиннэриэхпит).
***
Быһа түһэн биллэрдэххэ, сотору “Сахатранснефтегаз” АО генеральнай дириэктэрэ Иван МАКАРОВ - “Туймааданьиэп”, “Байанай” сурунаал уонна уола интернет-блогар суруйбут “30 мөлүйүөнүн” туһунан ыйытыыларга эппиэттээбит интервьюта тахсыаҕа.
Ону сэргэ Ил Түмэҥҥэ “ньыгыллар” фракцияларын салайааччыта Александр МОРОЗКИН хамыыһыйа мунньаҕыттан суруналыыстары тоҕо үүрбүтүн туһунан быһаарыытын истиэхпит.
***
Аартык.ру
Комментарии
Бу Федоров син тугу эмэ гынан тардыальар. Сайсарыны ыраастаабыта хайгаллаах. Аьара балай ыыппакка эрэ ууннээтэххэ тэьииннээтэххэ харчылаах уол Сайсарыларга тугу эмэ онотторон ылыахха наада. Ол кэнниттэн бэйэтэ быьаарыа ханна барарын. кэлэрин. Мин санаам.
References:
zenwriting.net: https://zenwriting.net/fishreport59/mr-o-casino
Casino games slot machines
References:
https://clinfowiki.win/wiki/Post:WinSpirit_Online_Casino_Australia_Best_Real_Money_Casino_in_2026: https://analnoe.com/user/cousinbone1/