Нерюнгри уруккутун курдук байылыат олоҕо тотхоон турар. Дьиэ, син биир ханна да буоларын курдук, улахан былдьаһык. Хомсомуол ыҥырыытын саҕана Союз бары муннугуттан таас чох хостуу кэлбит дьон кырдьан-бохтон, кыаммат буолбуттара элбэх. Онон, социальнай дьиэ ыларга  600 киһи уочаракка турбут. Манна инбэлииттэр, элбэх оҕолоох ыаллар эмиэ киирэллэр.
2010 сылга диэри дьиэ син аҕыйах да буоллар бэриллэн испит буоллаҕына, 2010 сылтан уочарат хамсаабатах. Ону таһынан 1400 ыал олорор дьиэтэ сууллар туруктаах буолан, бу дьону эмиэ дьиэҕэ-уокка наадыйааччылар ахсааннарын элбэппит.
Куорат мунипиалитета 284 киһиэхэ социальнай куортамынан дьиэ биэрбит. Онтон 78-а, үөһээ ахтыллыбытын курдук, ылыа суох дьон ылбыттар.
Ол дьон кэлин муниципалитет квартираларын приватизациялаабыттар. Ону көҥүллүүргэ  Русинов илии баттааһыннаах дьаһал тахсыбыт. Приватизацияламмыт квартиралар кэлин атыыламмыттар.
Судургутук санаатахха, мээр уонна кини эргимтэтэ куорат бас билэр баайын-дуолун атыылаан харчы оҥостубуттар.
Сиир-аһыыр, хоро таһар өйдөөх-санаалаах салайааччылардаах олорон сайдар кыахпыт суоҕа биллэр. Итинник дьону муустаах ураҕаһынан үүртэлиэххэ наада.
***
Аартык.ру