Манна оройуон баһылыга Борис Николаевич Попов, улуус сэбиэтин бэрэссэдээтэлэ Сергей Иванович Евсеев, Биир ньыгыл Арассыыйа Ньурбатааҕы салаатын сэкирэтээрэ Василий Тарасович Курнев кытыннылар.
М.Е. Николаев политсэбиэт хас биирдии чилиэнэ ханна, тугу үлэлиирин, үлэлиир усулуобуйатын билистэ, хайдах, туох ыарахаттар баалларын ыйыталаста.

Кэпсэтиигэ улууска гаас уонна уот ситимин кэлиитэ, куораты ыраас уунан хааччыйыы боппуруостара таарылыннылар. Михаил Ефимович бэриллибит ыйытыыларга бэйэтин көрүүлэрин быһааран, ырытан биэрдэ.

Ил Тумэҥҥэ буолаары турар быыбар биир сүрүн боппуруос быһыытынан көтөҕүлүннэ. Михаил Ефимович политсэбиэт чилиэннэрин көрүүлэрин туоһуласта, төһө бэлэмнэрин тургутта. Сөптөөх хоруйдары истэн, бэйэтин санаатын үллэстэн, туох кыаллыбатын туоратарга сыаналаах сүбэлэри биэрдэ. Кэпсэтиигэ кыттыбыт улуус баһылыга Борис Николаевич "Биир ньыгыл Арассыыйа" баартыйа быыбарга  туруорар кандидатуратын өйүөҕүм диэн эрэннэрэн, мустубут дьон сүргэлэрин көтөхтө.
***
Ньурбаттан кэлбит сонун.