Аҕыйах хонуктааҕыта, хонон баран дорооболоспуттуу, баһылык бастакы солбуйааччыта News.ykt.ru cайтка интервью биэрбитэ бэчээттэннэ (http://news.ykt.ru/article/8343). Дьиҥинэн, үгэс быһыытынан, “олох кэпсээнэ”  дуоһунаска ананаат да бэриллэр. Эбэтэр, быыбарга туруох иннинэ... Таах даҕаны, САДОВНИКОВЫ Сайсары уокуругуттан быыбарга кыттыннарыах курдуктарын туһунан өссө тааҕытыйбыт сонун баара.

***

Ол гынан баран, биһиги санаабытыгар, бу интервью ХИФУ профессора Павел КАЗАРЯНЫ көмүскүүр сыалтан бэриллибит. Хайдах курдук “норуот тэҥэ” судургу майгылаах, бүгүрү үлэһит  Дима САДОВНИКОВ бэйэтин суолун улахан дуоһунаска соломмутун туһунан аралдьытар кэпсээн быыһыгар “КАЗАРЯН киһи өһүргэнэрин тугу да эппэтэҕин” кыбытан ааһар.

Көрөбүт: “В споре Казарян-Данилов многие спешат осудить историка, не прочитав саму статью, из-за которой все началось. Я сам историк по образованию, поэтому с интересом прочел статью. Ничего оскорбительного лично для себя или всего народа саха я в ней не нашел, хотя, конечно же, заметил ряд спорных с исторической точки зрения моментов”, - диир.

САДОВНИКОВ историкка үөрэммит. “Үөрэммитинэн историк” уонна ДЬИҤНЭЭХ ИСТОРИК диэн  өйдөбүл букатын атын-атыннар. Сэттэ да үрдүк үөрэхтэн, онтон сүүскэр күн тыган кэлиэ суоҕа.

КАЗАРЯН “сахалар кэлбиккэ-барбыкка ойохторун уган биэрэллэрэ” диэбитин САДОВНИКОВ  “ничего оскорбительного лично для себя” булбатах. Буолуон сөп. Тоҕо диэтэххэ, бэйэтэ этэринэн, Дмитрий дьиҥнээх аҕатын билбэт, өйдөөбөт эбит: “Родного отца знаю только по рассказам: он трагически погиб из-за неудачного броска во время спарринга на борцовском ковре еще до моего рождения, и даже не знал, что оставил продолжателя рода”.
КАЗАРЯН  “саха норуота оҕо толкуйа таһымнаах эдэр норуот” диир. Ол САДОВНИКОВ холобуругар көстөр: “Я люблю военные и исторические фильмы, но в кино чаще хожу на мультики (с младшим сыном)”... Кырдьык да диэҕи баҕарыллар.

***

САДОВНИКОВ киэн туттуута тугуй? Армияҕа сылдьан саастыылааҕын... өлөрбөтөҕөр. Киһини өлөрөр кыахтаах эрээри хата, маладьыаһыҥ “быраабын туһамматах”: “Тогда мне старшие по званию в шутку говорили, что, мол, зря тогда его на месте не расстрелял”.

***

Сир төгүрүк – саха аҕыйах. Ол иһин хас биирдии киһибитин барытын ааҕа билэбит диэтэххэ омуннуруу буолбатах. Дмитрий САДОВНИКОВ СГУга Студгородок дириэктэрин солбуйааччытынан үлэлиир кэмин өйдүүр киһи элбэх. Ыкса бииргэ үлэлээбит дьоно “бэркин ээ” диэбиттэрэ кэмчи.

Дуоһунаска үлэлиир киһи хаһан баҕарар миэстэтиттэн ылан быраҕыллыан сөп. САДОВНИКОВ баһылык солбуйааччытын кириэһилэтигэр үйэ саас тухары хараҕаламматаҕа сэрэйиллэр. Ол быыбарга кытыннарар да буоллахтарына, эҥин араас түмүк кэнниттэн үлэ миэстэтэ эмиэ көрдөнүөххэ наада.
Оттон ХИФУ иһигэр уларыйыы-тэлэрийии бараары турар диэн этэллэр. КАЗАРЯН буоллаҕына - ХИФУ профессора, ХИФУ ректорын кытары “ыбылы” сыһыаннаах. Баччааҥҥа диэри үгүс  тэрээһиҥҥэ Исаевналыын “сиэтиһэ” сылдьаллар. Холобур бүтэһиктээҕин, В.ШТЫРОВ үрдүкү кылаас оҕолоругар анаан тэрийбит литературнай куонкурсугар ректор да, профессор да  дьүүллүүр сүбэҕэ эмиэ иккиэн сэргэ баалларын көрбүппүт.

САДОВНИКОВ тирэнэн төрөлүйбүт, улааппыт университетыгар төннүөн баҕарар буолуохтаах. Онон “возможность спать спокойно – дороже любых сомнительных благ” диэн интервьютугар этэр Дима САДОВНИКОВ тылларын киһи саарбахтыан баҕарар.

***

САДОВНИКОВ:  “Я умираю, но не сдаюсь! Прощай, Родина» - эти слова запечатлелись у меня в памяти основательно”, - диир армияҕа да барбат ыарыһах туруктаах (“по состоянию здоровья, мог бы, как говорится, «откосить» - интервьюттан) киһини, ким эрэ күһэйэн (манчыыктаан, куттаан...)  бу интервьюну бэрдэрбит диэн сыаналыахха сөп.

“Араас “прощай родина” - сахалар КАЗАРЯНТАН өһүргэммэттэр,  ойохторун уларсарга субу билигин да бэлэмнэр, профессор тугу да хоруотаабата, кими да кэриэтээбэтэ” диир ис хоһоонноох интервью кэннигэр ким турарый?...

***