Билигин Саха сирин үрдүнэн Сталинград кырыктаах кыргыһыытыгар кыттыбыт дьонтон 10 буойун хаалла. Кинилэртэн үс киһи Бүлүү улууһугар олорор.

Бэтэрээннэр барахсаттар бары даҕаны 90 саастарын лаппа ааспыт, сорохторо суорҕан-тэллэх дьоно буолаахтаатахтара.  Бу олохторун ийэ дойдуга толук ууралларын кэрэйбэтэх хорсун-хоодуот  буойуннарга Кыайыыны уһансыбыттарын иһин махтанан РФ президенэ  В.Путин сурук ыытта уонна 5-тии тыһыынча солк. туттаралларыгар сорудахтаата. Сэрии толоонугар охтубут саллааттарга сүгүрүйэн туран, санаттахха, Сталинграды көмүскээн, Саха сириттэн 10 тыһыынча буойун быһаччы уот сэриигэ кыттыбыта, онтон 935 саллаат кыргыһыы хонуутугар охтубута, диэн Надежда ПАВЛОВА (Кыым.ру) санатар.  
***
Түөрт сылы быһа аан дойдуну атыйахтыы аймаабыт уот сэрии мөлүйүөнүнэн киһи тыынын быспыта, олоҕун огдолуппута. 
Олунньу 1-ны күнүттэн саҕалаан - Сталинград кыргыһыытыттан Сэбиэскэй норуокка Кыайыы суһума кылам гыммыта. Дьэ, бу кэнниттэн сэрии хаамыыта биһиги туспутугар тосту эргийэн сылаас хараҕынан көрөн харах аһыы уулаах өрөгөйбүтүн улаатыннарбыта. 
***
Сэрии бүппүтэ быйыл 68 сылын туолар. Икки атахтааҕы суорума суоллаабыт,  аан дойдуга икки ынырыктаахай сэриини күөртээн киһи аймах  кырыыһыгар киирбит Германия норуота, сэрии кэннинээҕи көлүөнэтэ киһи аймах иннигэр буруйун билинэн ынырыктаахай комплекстаах диэн этэллэр. Ол да буоллар, ньиэмэс ымыттыбат норуота урусхалламмыт куораттарын сөргүтэн, дойдутун экономикатын тилиннэрэн,  сайыннаран - билигин Европа туллар тутаах судаарыстыбата буолла. Итиччэ айылаах кырыыһы-таныары, үөҕүүнү тулуйан, сүрэ тостубакка төбөтүн көтөхпүтэ - бу норуот ис туруктааҕын, кытаанах санаалааҕын көрдөрөр. Атын дьон эбитэ буоллар хотторбутун уйбакка эстэн, суураллан хаалыа этэ.
***

Аартык.ру