Биһиги ытыктыыр директорбыт, бииргэ үлэлээбит коллегабыт, салайааччыбыт, Ньурба улууһун үөрэҕин салалтатын сэбиэдиссэйэ, билигин Ньурба Техническэй лицейин директора Федорова Светлана Нестеровна үлэтиттэн ууратыллыбытын истэн, кини коллегалара, үөлээннэхтэрэ олус соһуйан, хомойон олорон сурук суруйарга быһаарынныбыт.

Светлана Нестеровна СГУну бүтэрэн кэлиэҕиттэн ылата - уопуттаах, талааннаах улуус салайааччылара, директордарын хараҕаын далыгар киирбитэ. Кинилэр сытыы-хотуу майгылаах, тобуллаҕас өйдөөх эдэр учууталы таба көрөн, салайар үлэҕэ сыһыаран үөрэппиттэрэ-такайбыттара.

Аан бастаан Убайаан орто оскуолатыгар үлэлии сылдьан бэйэтэ туспа көрүүлээх, инициативалаах, эппиэтинэстээх буоларын көрдөрбүтэ. Онон, бу элбэҕи эрэннэрэр специалиһы төрөөбүт сиригэр, улуус биир саамай улахан оскуолатыгар Антоновкаҕа үөрэх салаатыгар директоры солбуйааччынан анаабыттара.

 Манна 11 сыл үлэлээбитин түмүгэр, оскуолатын бүтүн республикаҕа биллэр бастыҥ көрдөрүүлээх оскуолалар кэккэлэригэр киллэрбитэ, дьон-сэргэ ытыктабылын ылбыта.

90 сылларга үөрэҕирии эйгэтигэр улахан уларыйыылар киирбиттэрэ. Республика улуустарыгар лицейдэр, гимназиялар аһыллан барбыттара. Бу кэмҥэ Ньурба улууһун инники көрүулээх салайааччылара Дьокуускай куоракка улэлии сылдьар биир дойдулаахтарбыт, техническэй интеллигенция түмсэн, улуус дьоҕурдаах оҕолоругар анаан, аныгылыы тииптээх саҥа үөрэх тэрилтэтин - лицейи тэрийэргэ быһаарбыттара.

 Улуус дьаһалтатын баһылыга Никифоров Валентин Иванович дьаһалынан, Светлана Нестеровна лицей салайааччытынан анаммыта. 10 сыл устата педагогическэй коллектив, төрөппүттэр биир санаанан үлэлээн, лицей Президент оскуолаларын ситимигэр кииирэрин ситиспиттэрэ. Кини сатабыллаах салалтатынан тыа сиригэр техническэй лицей моделин киллэрэн, бу үлэтэ биһирэнэн, Республика Президенин Гранын ылбыта.

Республикаҕа бастакынан ситимнээх техническэй үөрэхтээһини: орто анал техническэй үөрэхтээх специалистар үөрэхтэрин кэтэхтэн үрдэтинэр, СГУ электроснабжение кафедратын филиалын уонна вузовскай коллеһы тыа сиригэр үрдүк үөрэх кыһатын арыйбыта.

Улууска социальнай өттүнэн кыра көмүскэллээх ыал оҕото миэстэтигэр үөрэнэр усулуобуйатын тэрийбитэ. Элбэх оҕо техническэй идэлэри баһылаан, улуус уонна республика элбэх улуустарыгар үлэлии-хамсыы сылдьаллар.

Ааспыт 18 сыл устата техническэй лицей мөлтөх материальнай базалаах да буоллар, 765 оҕо ситии-хотуу аттестатын ыланнар, бары үрдүк үөрэҕи ситиһиилээхтик бүтэрэн, Саха сирин бары оройуоннарыгар  талан ылбыт идэлэринэн үрдүк таһаарыылаахтык үлэлии, айа-тута сылдьаллар. Олортон А.А.Мартынов - Саха Республикатын президенин уонна правительствотын дьаһалтатын кадровай политикаҕа департаменын салайааччыта, Г.И.Семенов Саха Республикатын Ыччат политикатыгар уонна спортка миниистирин солбуйааччыта, С.Л.Гаврильев - Россия Федерациятын Саха сиринээҕи Следственнэй управлениятын Следственнэй комитетын салайааччытын бастакы көмөлөһөөччүтэ, Н.П.Фомин - Саха Республикатын ыччатын парламенын председателэ. Ону сэргэ 20-чэ наука кандидаттара бааллар

Тэрийэр дьоҕурдаах салайаааччыны улуус очччотооҕу баһылыга Роман Гаврильевич Дмитриев  Норуот үөрэҕириитин оруйуоннааҕы отделын салайааччытынан анаабыта. Светлана Нестеровна ити дуоһунаска 8, 5 сыл устата ситиһиилээхтик үлэлээбитэ уонна төрүттээбит Техническэй лицейин 3 этээстээх таас, аныгылыы, бары өттүнэн толору хааччыллыылаах куорпуһун 2012 сыл балаҕан ыйын 1 күнүгэр үлэҕэ киллэттэрэн, улуус олохтоохторун улахан сэҥээриитин ылбыта.

Педагогическэй коллектив көрдөһүүтүн ылынан, Техническэй лицейигэр иккистээн директорынан кэлбитэ. Лицей материальнай - техническэй усулуобуйатын тупсарар сыалтан төрөппүттэр уонна учууталлар күүстэринэн эргэ икки дьиэни көтүрэн, ол маһынан 2012-201З үөрэх дьылыгар мастерской туттарда.

Светлана Нестеровнаны улууска билбэт киһи суох. Кини үлэтэ, өйө-санаата барыта оҕо сайдыытын, бар дьонун олоҕо тупсарын, улуус сайдарын туһугар туһуланарын биһиги бииргэ үлэлээбит дьоно билэбит.

Бүтүн республика үрдүнэн биһирэммит үөрэх кыһатын, Б.Н.ПОПОВ туох сыалтан уларытарга турунна? Бу аата оройуонун «сайыннарар тактиката» дуо?! Итинник кадрдарынан тамнааттаныы - үлэҕэ-хамнаска улахан охсуулаах буолуоҕун баһылык тоҕо өйдөөбөтүй?!

 

Бу уустук дьыалаҕа туһааннаах уорганнарынан сөптөөх түмүк оҥоһуллуо диэн эрэнэ хаалабыт, элбэх сыл устата улууспут туһугар үлэлээн-хамсаан кэлбит Светлана Нестеровнаны кытта лицейи тэрийсибит, атаҕар турарыгар быһаччы көмөлөспүт коллегалара:

Аляскина В.П. - РФ Уопсай үөрэхтээһинин бочуоттаах үлэһитэ, РФ Үтүөлээх учуутала.

Кухаренко Н.Т. - Россия үөрэҕириитин туйгуна, РФ Үтүөлээх учуутала, 3 төгүллээх Сорос бириэмийэтинг лауреата.

Бойко С.Д. – “Албан Аат” 3-с степеннээх уордьан кавалера, 2008 с. Россия бастыҥ учуутала, РФ Уопсай үөрэхтээһинин бочуоттаах үлэһитэ

Саввинова А.Ф. - Саха Республикатын үөрэҕириитин туйгуна, «Азия оҕолоро» фонда стипендиата, РФ Уопсай үөрэхтээһинин бочуоттаах үлэһитэ, 2010 с. Гуманитарнай наука бастыҥ учуутала, Учууталлар – учууталлара.

Тобонова Н.А. - Саха Республикатын үөрэҕириитин туйгуна, РФ Уопсай үөрэхтээһинин бочуоттаах үлэһитэ.

Петрова О.С. - Саха Республикатын үөрэҕириитин туйгуна.

Петрова А.А. - Педагогическэй үлэ бэтэрээнэ.

Яковлев Я.А. - Саха Республикатын үөрэҕириитин туйгуна, Гражданскай Килбиэн бэлиэ хаһаайына, Саха Республикатын Тыатын хаһаайыстыбатын бочуоттаах бэтэрээнэ, “Октябрьскай” нэһилиэк уонна Ньурба улууһун Бочуоттаах олохтооҕо,
о.д.а.
***
Бу суругу ааҕан баран редакция "Үөрэх миниистирэ А.ВЛАДИМИРОВ тугу хардарбытый" диэн сураһан министиэристибэ пресс-сулууспатыгар тахса сырыттыбыт. Миниистир көмөлөһөөччүтэ Гаврил ВАСИЛЬЕВ  улуус бюджетыттан үбүлэнэр тэрилтэлэр быһаччы Баһылык дьаһалыгар киирэллэрин быһаарда.  Министиэристибэ аатыттан Ньурба улууһун баһылыгар Борис ПОПОВКА сурук ыытыллыбыт. Миниистир ханнык-туох төрүөккэ олоҕуран Светлана ФЕДОРОВА дуоһунаһыттан уһуллубутун туоһуласпыт:


***
Aartyk.Ru Борис Николаевич ПОПОВТЫЫН эмиэ сибээскэ тахса сырытта. Баһылык миниистиргэ хардатын бэчээттиибит:
"Министру образования

Республики Саха (Якутия)

Владимирову А.С.

 

Уважаемый Афанасий Семенович!

 

Историческое развитие любого предприятия включает в себя следующие этапы: зарождение идеи, развитие (подъем), расцвет, кризис (угасание). Наукой об управлении давно выявлен закон, что жизненный цикл любого предприятия – от зарождения идеи до начала угасания – около 20 лет.  Единственным способом сохранения и дальнейшего развития предприятия является появление новой идеи  и, самое главное, носителей новой идеи во главе предприятия.

В силу статуса специализированной школы, вышеприведенное в полной мере относится к Нюрбинскому техническому лицею.

 Нюрбинский технический лицей был создан в 1993 году, и в течении 20 лет работал под началом Федоровой С.Н – 11 лет непосредственно директором, 9 лет начальником управления образования. В настоящее время явно видны признаки начала стагнации - от методики комплектования учащихся до интегральных показателей работы (итоги ЕГЭ и результаты проверки остаточных знаний учащихся).

В подтверждении вышеуказанного, хочется привести пример великого педагога, народного учителя СССР М.А. Алексеева.

М.А. Алексеев в 1985 году добровольно покинул созданную им в середине 1960-х годов Верхневилюйскую физмат школу, бесконечно устав от попыток придать школе новый толчок в дальнейшем развитии. Годы рассвета его школы пришлись на 70-е годы. К началу 80-х годов прошлого века начался этап кризисного развития. Этот пример еще раз подтверждает действие вышеприведенного  закона о жизненном цикле учреждения.

Вся нездоровая шумиха вокруг вопроса о прекращении трудового контракта с Федоровой С.Н. не более чем спекуляции заинтересованных лиц для достижения ими своих узкогрупповых целей.

В любой системе ротация кадров необходима для развития.

Федоровой С.Н. будет предложена другая работа в Нюрбинском районе.

 

 

Глава МО  "Нюрбинский район" Б.Н.Попов".
***
Улуус баһылыга ылбыт дьаһалын кэнниттэн киһи туох түмүгү оҥоруон сөбүй?
Борис ПОПОВ бэйэтин утары бүтүн улуус аҥаарын туруорда...
Бастатан туран, Светлана ФЕДОРОВА өр сыл Үөрэх оройуоннааҕы управлениетыгар үлэлээбит киһи. Биллэн турар, улуус учууталларын таһынан, атын улуус, куорат, республика учууталларын сообществотын кытары ыкса алтыспыт, сибээстээх киһи. Онон улуус таһымынан, кини салалтатынан үлэлээбит учууталлар үксүлэрэ "Нестеровнаны" өйүөхтэрин сэрэйиэххэ сөп. Иккиһинэн, Техническэй лицейгэ үөрэнэр оҕолор төрөппүттэрин, 767 выпускнигы (суруктан көрдөххө, үөһээ салалтаҕа үлэлиир дьон кытары бааллар) санааларын аймаата.
Политик киһи, буолаары буолан, олохтоох былааска соччо "бааргын ээ" диэн мааныламмат "Сиэрдээх Арассыыйа" чилиэнэ, иннин-кэннин тымтыктанан көрөр дьоҕурдаах буолуон сөбө.
***
Бу уустук балаһыанньаны биһиги редакциябыт кэтээн көрүөҕэ диэн ааҕааччыбытыгар эрэннэрэбит.
***
Aartyk.Ru