Лена ГОЛУБЬ 90-с сыллартан саҕалаан кэрэ кыргыттар, далбар хотуттар, күүстээх уолаттар куонкурустарын, модельердар фестивалларын  тэрийбит киһинэн биллэр. Саха сирин модельнай, модельернай хамсааһыныгар улахан төһүү күүһү киллэрбитэ. Россия, аан дойду таһымыгар саха кэрэ куоларын, модельердарын аатын ааттаппыта. Кини саҕалаабыт "Саһарҕа" муода фестивалыттан кынат үүннэрэн Августина ФИЛИППОВА, Петр ЯКОВЛЕВ тахсыбыттара даҕаны, Лена Иннокентьевна үтүө холумтаннааҕын кэрэһэлиир.  
Билигин кини үксүн Москваҕа олорор, онон  республикаҕа суоҕа тута билиннэ, "Мисс Якутии" конкурус уота-күөһэ умуллан хаалла. 
ГОЛУБЬ бэйэтэ этэринэн,  билигин "бочуоттаах эбээ" оруолун толорор сылдьар. Ол эрээри кини курдук көхтөөх, күргүөмнээх киһи саҥа атын бырайыактарынан дьарыктаныан баҕарарын, былаанныырын этэр. 
"Аартык.ру" аатыттан талааннаах киһибитигэр махтал тылларын этэн туран, үбүлүөйүнэн эҕэрдэлиибит, чэгиэн доруобуйаны, өрүү да үлэҕэ, олоххо күүстээх тардыһыыта уҕараабатыгар, салгыы саҥа аартыктары арыйа турарыгар баҕарабыт!
***
Аартык.ру