6000 тахса тирааһы биирдэ олордон ылбыттар. Хаһыат кылаабынай эрэдээктэрэ Александр Яковлев этэринэн, ол нүөмэргэ элбэх интэриэһинэй матырыйаал тахсыбыта үһү. Бастатан туран, Афанасий Максимов бииргэ төрөөбүт эдьийэ Надежда Булдина уонна гражданскай кэргэнин ийэтэ Альбина Корякина суут кэнниттэн биэрбит интервьюлара, ону таһынан, Дьокуускай куорат быыбарыгар сыһыаннаах Айсен Николаевы "саралыыр" матырыйааллар бааллара диэн эрэдээктэр этэр. 

Бу күннэргэ биллибитинэн, хаһыат нүөмэрин барытын "Владимир Федоров киһитэ" атыыласпыт диэн кэпсииллэр. Кини өҥөтүнэн, "Туймаада уоттара" дьокуускайдар 6000 дьааһыктарыгар, хата, босхо уонна уталытыллыбакка тиэрдиллибит. 

"Туймаада уоттара" айдааннаах матырыйаалларын бу сырыыга эмиэ бэчээттээтэхтэринэ, хармааннарын биллэ ыйааһынныыһыктар. Өссө тиражтарын эбэн таһаардахтарына букатын да тупсаллар.

Санатар эбит буоллахха, былырыын бу хаһыакка эдэрчи соҕус  суруналыыс уол саастаах дьахтартан  "хара пирибиэт" ылан, эмиэ, доҕорунаан туох баар тирааһы барытын атыылаһан турардаахтар.