Ленскэй оруоннааҕы ньиэп турбатын ситимин управлениета "ИСТА" 1 тыһ. км уһуннаах турбатын хонтуруоллуур. Бу управление хонтуоратыгар икки сууккатын дьэҥдьиир бара турар диэн сонун баар. ИСТАны бас билэр "Транснефть" хампаанньа салалтата Саха республикатын салалтата дьэҥдьиири тохтоппотугар улаханнык кыһыйбыт. Уонна ДЕМИН уоһунан аһымалга ыытар харчыны тохтотуохпут диэн сэрэтии тиэрдибит.
***
Оттон айдаан саҕаламмыт төрүөтэ диэн, Ленскэйгэ көҥүлэ суох мас кэрдибиттэр. Ыстараап 10 тыһ. солкуобай буолбут, ону хас да төгүл үрдэтэн 495 тыһ. диэри тиэрдибиттэр диэн "Транснефть" пресс-сэкиритээрэ айдаарар. ДЕМИН өссө аһымалга ыытар харчыбытын республика сатаан туһаммат диэн эппит.
Атыннык өйдөөтөххө, дьэҥдьиири тохтоппотоххутуна, дьыаланы саппатаххытына харчы биэрбэппит диэн сааныы буоллаҕа. Сокуон быһыытынан ситэриилээх былаас суукка-дьыалаҕа боломуочуйатын соҥнуо, дуоһунаһын туһаныа суохтаах этэ.
***
"ИСТА" ситимигэр 2010 сыл кыһыныгар Ленскэйгэ иккитэ субуруччу улахан саахал тахсан ньиэп халыйа сылдьыбыта. "Транснефть" бу саахалы улахаҥҥа уурбакка саба сатаабыта кыаллыбытаҕа. Итинэн буоллаҕына, түҥ тайҕаҕа төһө саахал тахсарын кистии сылдьаллара биллибэт диэн кэтэх санаа үөскүүрүгэр төрүөт биэрбиттэрэ. 
***
Николай ПРОКОПЬЕВ,
Аартык.ру