Дмитрий ГЛУШКО хас мөлүйүөн итэҕэстэммитий?
Вторник, 23 Апреля 2013 18:17
"Аартык.ру" "Биир ньыгыл Арассыыйа" Саха сиринээҕи региональнай салаатын отчуоттуур-быыбардыыр кэмпириэнсийэтин туһунан, былырыын ахсынньы 5 күнүгэр суруйан турар ("Тумууһап тыына кэтэххэ биллэр"). Кэмпириэнсийэҕэ региональнай салаа политсүбэтин сэкиритээринэн иккистээн, 5 сылга СР вице-президенэ Дмитрий ГЛУШКО талыллыбыта. Ону сэргэ политсүбэ састааба таҥыллыбыта.
"Аартык.ру" редакцияҕа, былааска чугас эргин үлэлиир киһи иһитиннэрбитинэн, билигин "ЕР" партия киин аппараатыттан хонтуруоллуур ревизия хамыыһыйата кэлэн бэрэбиэркэ ыыта сылдьар. Кини этэринэн, бу кэмпириэнсиэйэ тэрээһинигэр хас да алта нууллаах харчы ханна туһаныллыбытын региональнай салаа политсүбэтин сэкиритээрэ Дмитрий ГЛУШКО уонна олохтоох исполком сэкиритээрэ Сахамин АФАНАСЬЕВ кыайан отчуоттаабакка сылдьаллар.
"Аартык.ру" телефонунан Дьокуускайга үлэлии сылдьар Партия киин хонтуруоллуур-ревизионнай хамыыһыйатын чилиэнин кытары - Константин Александрович НЕСУДИМОВЫ кытары кэпсэтэ сырытта. Уонна НЕСУДИМОВ редакцияҕа киирбит иһитиннэриини комментарийдыырыгар көрдөстө. Онуоха кини "бакаа тугу да чопчу этэр кыаҕым суох, бэрэбиэркэ бу нэдиэлэни быһа буолар, түмүгүн бээтинсэҕэ таһаарыахпыт, онно эрийэ сылдьаарыҥ" диэн хардарда.
Бээтинсэ да үүнүө.
***
Инна МАКАРОВА,
Аартык.ру
Комментарии