Иннокентий Михайлович бу иннинэ управление салайааччытын эбээһинэһи толорон олорбута. Бэйэтэ Таатта Баайаҕатыттан төрүттээх, "Саха" НКИК президенэ Иван АНДРОСОВ бииргэ төрөөбүт саамай улахан убайа. 
Иннокентий АНДРОСОВ билиҥҥи Таатта улууһун баһылыгын быыбарыгар кыттан билиҥҥи баһылыкка Михаил ПРОТОДЬЯКОНОВКА кыайтаран турардаах. 
Сурах быһыытынан, Иван АНДРОСОВ  Томпо-Таатта быыбардыыр уокуругуттан Ил Түмэҥҥэ кыттыахтаах. Михаил ПРОТОДЬЯКОНОВ эмиэ Ил Түмэн быыбарыгар киирсэрэ биллэр. Ол гынан баран, чуолаан, ханнык уокуруктан турара биллибэт диэн этэллэр. Кини солбуйааччыта Анатолий БОЧОРУКОВ Таатта баһылыгын быыбарыгар кыттар санаалааҕа эмиэ биллэр.
Таатта улууһун баһылыгар билиҥҥи Ил Түмэн депутата (ЕР испииһэгинэн) Руслан ПЛАТОНОВ эмиэ күүһүн-уоҕун холонуон баҕарарын кэпсииллэр. Кини Ил Түмэн депутатыгар тандема - Афанасий МАКСИМОВ диэн этэллэр. МАКСИМОВ Ил Түмэҥҥэ Таатта-Томпо уокуругуттан барыан баҕарталыыра иһиллэр.  
***
Аартык.ру