Дьон үксэ уһун сынньалаҥ кэмигэр күннээҕи олоҕун тэтимэ кэһиллэн, үлэҕэ тахсары стресс курдук ылынар эбит. Биһиги курдук тыйыс тымныы кыһыннаах  сиргэ, үлэлиир тэтимҥэ аа-дьуо киирэр ордук. Барытын ыксаабакка, уолуйбакка саҕалаатахха, киһи күннээҕи үлэтин толорор киэлитигэр түргэнник киирэр.

Сарсыарда эрдэ турарын ыарыарырҕатар, төттөрү түүнүн илэ барар киһи - режимэ кэһиллибитин туоһулуур.

Оччотугар эти-хааны чэбдигирдэр эрчиллиилэри оҥоруон наада. Киэһэ сиэри таһынан симиммэт ордук.

Утуйуох иннинэ хоһу салгылатар туһалаах.

Хойукка  диэри телевизоры көрөр, компьютерга үлэлиир куһаҕан.

Үлэҕэр, бастатан туран, олорор миэстэҕитин хомунуҥ, сууйуҥ-тарааҥ, былырыыҥҥы бөҕү-сыыһы ыраастаа.Үлэҕитин былаанныыр бастакы күннэргэ  наһаа эппиэтинэстээх ыарахан дьыаланы ылсыма.

Бииргэ үлэлиир дьоҥҥутун кытары кэпсэтиҥ- ипсэтиҥ, сонуҥҥутун элэһии стресстэн харыстыыр.

Ыччат социальный уонна психологическай өйөбүлүн киинэ.