Бүгүн, тохсунньу 10 күнүгэр, олохтоох ЕР баартыйа салаата уочарата суох кэмпириэнсийэтин быһаарыытынан, Айсен Николаев Дьокуускай куорат баһылыгын быыбарыгар турар буолла.«Ньыгыллар» кэмпириэнсийэлэрин Куорат Думатын бэрэссэдээтэлэ Александр Саввинов иилээн-саҕалаан ыытта. Сан Саныч, Саҥа дьыл бырааһынньыгын иннинэ, куоракка икки түһүмэхтээх праймериз тэриллибитин, онно Айсен Николаев баһыйар куолаһы ылан мээр дуоһунаһыгар кандидакка кандидат буолбутун эттэ.
Праймеризкэ «Камелек» ресторан дириэктэрэ Андрей Бессонов, бырабыыталыстыба ыстаарсай референэ Владимир Данилов, афганецтар түмсүүлэриттэн Валерий Лютай уонна бырабыыталыстыба бэрэссэдээтэлин солбуйааччы Айсен Николаев кыттыбыттара. Мээр быыбарыгар кими туруоралларын 420 киһи (ЕР уонна ОНФ бэрэстэбиитэллэрэ) быһаарбыт. Айсен Сергеевич туһатыгар 352 выборщик куоластаабыт.
Кэмпириэнсийэ бэбиэскэтин иккис пуунунан - Александр Даниловы ЕР куораттааҕы Политсүбэтиттэн таһаардылар (Региональнай хонтуруоллуур-ревизиялыыр хамыыһыйа бэрэссэдээтэлин солбуйааччытынан анаммытынан) уонна кини оннугар Павел Петровы таллылар. Павел Петров олохтоох ОНФ-ны салайар, сүрдээх кыахтаах, бэриниилээх партиец диэн эттилэр.
Комментарии