диэн Ньурба вальсын үгүс үбүлүөйдэргэ, уруу дьоро киэһэлэригэр, көрсүһүүлэргэ Ньурбаттан төрүттээх дьон бары уостан түһэрбэккэ сөбүлээн ыллыыллар. Бу ырыа истиҥ тылларын иһиттэххэ, бу эрэ дойдуттаах төрүттээх барыта сайын мүөттээх салгынынан сайа охсор киэҥ Куочай сиккиэр тыалга суугунуур, кэккэлэһэ үүммүт үрүҥ субалаах хатыҥнарын, кырылас кумах кытыллаах Бүлүү эбэ кэрэтин хараҕар субу баардыы көрөр курдук…

Игорь Егоров «Ньурбам самаан сайына, көмүс күһүнэ, кылбаа кыһына, чаҕыл сааскыта» диэн ырыатын эмиэ бэркэ билэбит. Ити курдук, Николай Чуор төрөөбүт дойдутугар сылаас тапталын иҥэрбит хоһоонноро ылбаҕай ырыаҕа ылланан, көлүөнэттэн көлүөнэҕэ, уостан уоска бэриллэн иһиэхтэрэ.

«Бичик» кинигэ кыһатыгар «Саха киэн туттар дьоно» сериянан саха биллиилээх поэта, суруналыыһа, общественнай деятелэ, СР култууратын үтүөлээх үлэһитэ Николай Иванович Харитонов – Чуор туһунан бииргэ алтыспыт, олох устун бииргэ хаамсыбыт дьоно иһирэх ахтыылара кинигэ буолан таҕыста. Маны таһынан, бу кинигэҕэ Ньурба Мииринэй кэнниттэн иккис улахан алмаастаах түөлбэ килбэйэр киинэ буоларын, эдэр ыччаты промышленнай салааҕа сыһыарыы туһунан Николай Иванович араас кэмҥэ суруйбут ыстатыйалара киирдилэр.