«Саха» НКИК спортивнай суруналыыстара «МегаФон» көмөтүнэн  республикаҕа тэриллэр бары спортивнай күрэхтэһии сонунун  тиһигин быспакка сырдатыахтара.  Маны таһынан  омук дойдуларыгар ыытыллар улахан спортивнай түһүлгэлэргэ суруналыыстар «МегаФон»  роуминынан туһаныахтара.   Холобура, бу күһүн Стамбулга буолбут көҥүл тустууга аан дойду чемпионатыгар Виктор Лебедев өрөгөйдөөх кыайыытын Саха сирин олохтоохторо «МегаФон» сибээһин нөҥүө истибиттэрэ. Спортивнай комментатор Олег Марков  араадьыйа, телевидение нөҥүө быһа сибээскэ тахсан үөрүүлээх сонуну  кэпсээбитэ.

             Сочитааҕы Олимпиада официальнай спонсора «МегаФон» хампаанньа Саха сиригэр спорду эмиэ күүскэ  өйүүр.  Арассыыйа биир бөдөҥ суотабай оператора «Азия оҕолоро» норуоттар икки ардыларынааҕы спортивнай оонньууну тэрийиигэ улахан спонсорскай көмөнү оҥороору былаанныыр. Маны таһынан «МегаФон» Баһылай Манчаары аатынан спорт национальнай көрүҥнэрин Саха сиринээҕи киинин генеральнай партнера буолар.

Виктория Варламова.