Хас биэс сыл буола-буола быыбарга турар кандидаттар харах баайыытынан дьарыктаналлар. Дьон кэпсииринэн бу аатыгар эрэ “баанньыгы” эмиэ биир кандидат туттаран эрэр эбит. Туттаран да диэн, “былаас кыһарыйан” тутууну боптоҕуна, “бу эһиги эрэйдээхтэргэ баанньык тута сатаабыппын былаас бопто” диэн куоһурданан куолас хомунаары сорунар диэн иһиттим. Кэлин бу “муляһын” миэбэл атыылыыр маҕаһыыҥҥа кубулутуоҕа үһү! Ама да, куорат кытыы түөлбэтин олохтоохторун кыһалҕаларынан кыһарыйан маннык ньүдьү-балай албыннааһын диэн сиэргэ баппат!

Итиннэ чугас олорор киһи буолан, бу баанньык үлэҕэ да киирдэҕинэ уута-хаара ханна түһэн, тугу бадарааннытыай диэн ыксыыбын.  Чугаһынан уу түһэр сирэ, канализация диэн өйдөбүлэ суох олорор дьоммут. Киин куоракка олорор ааттаах дьон кыра кыһалҕабытыгар таһырдьа тиэстэбит. Бу санэпидстанция, тутууну хонтуруоллуур, көҥүллүүр диэн тэрилтэлэр тугунан дьарыктаналлара буолла? Быыбар дии-дии ким туох-хачча харах баайыытынан дьарыктанар көҥүл дуо?! Эбэтэр көҥүлэ-күүһэ суох тутууну соруйан саҕалыы-саҕалыы кандидаттар “очко” хомуйар дьүһүннэрэ дуу? Бу тоҕо суут-сокуон үлэлээбэт сирэй?!

***