Дьыаланы көрөр судьуйа ХОРУЛИНСКАЯ быһаарыытынан, бу үс кандидат Дьокуускайтан ырааппакка эрэ быыбарга кыттыахтаахтар. 
Сунтаарга Ил Түмэн депутатыгар биир мандаттаах быыбарга Игорь ПАХОМОВ кандидатуратын туруоран саамай кылаабынай утарылаһааччытын Александр АКИМОВЫ улаханнык уолуппут диэн кэпсээн баара. ПАХОМОВ судьуйаттан хааччахтаммыт киһи быһыытынан, билигин АКИМОВКА ыраахтан эрэ өс-саҕа буолар кыахтаах. 
Афанасий МАКСИМОВ "ГП" региональнай  уонна Дьокуускайга муниципальнай испииһэктэри баһылыыр. МАКСИМОВ бастаан Таатта-Томпо биир мандаттаах уокуругар Ил Түмэн мандатын былдьаһар былааннааҕа, онтон кэккэ кэмнэргэ партия испииһэгин баһылыырга быһаарыммыта. Инньэ гынан, Таатта-Томпо уокуругар "Саха" НКИК президенэ Иван АНДРОСОВКА миэстэтин туран биэрэн, билигин АНДРОСОВ уокурукка соҕотоҕун күннүөхтээх. Манна даҕатан эттэххэ, Таатта улууһун баһылыгар саамай потенциальнай кулуба оруолугар Михаил СОРОВЫ көрөллөр диэн Тааттаттан сонун ыыталлар.
***
Аартык.ру