Биир холобур: уон алта сыл устата сыраласпыт үлэ үөрүүлээх сонуна Москуба кораттан бэҕэһээ кэллэ!

1997 сыл бэс ыйын 17 күнүгэр  615-с №-дээх РФ президенэ Борис Ельцин таһаарбыт ыйааҕа - Белянцев Олег Владимировиһы “Хорсун Бүлүү уордьанынан” наҕараадалыырга уонна государственнай наҕараадаҕа сыһыаннаах дастабырыанньаны туттарарга – диэн дуоспуруннаах докумуоннар көһүннүлэр.

Трепша Николай Александрович – полковник, Саха өрөспүүбүлүкэтин байыаннай хамыһаара уонна Чикачева Ольга Сергеевна – байыаннай комиссариат отделын начальнигын солбуйааччы Бүлүү улууһун Байыаннай Комиссариатын отделын начальнига С.Харлампьевтыын быһа төлөппүөнүнэн кэпсэттилэр. Бу ый 15-с күнүн диэки Белянцевкэ уордьаны “Кыһыл Сыыр” нэһилиэнньэтин ортотугар  үөрүүлээх быһыыга-майгыга туттарарга! Онуоха Бүлүү улууһун уонна “Кыһыл Сыыр” МТ көмөтүнэн: оскуола, оҕо саада онтон да атын тэрилтэлэр салайааччыларын хаба уонна түмэ тардан олохтоохтор ортолоругар киэҥ далааһыннаахтык ыытарга. “Тыа сирин сайдыытыгар” анаммыт сылга бу суолталаах сонуну дьоммут-норуоппут бэйэтигэр чугастык ылынарын курдук хайа да өттүттэн ытыктабыллаах ыҥырыылары тэрийэргэ диэн сүбэлэстилэр.

Дьиҥнээх патриот “Кыһыл Сыырга” 1976 сыл олунньу ый  13 күнүгэр төрөөбүт. Кини билигин “Сахатранснефтегаз” ААО иһинэн  гааһы хостооһун уонна ону тиэйиигэ операторынан үлэлии сылдьар. “Кыһыл Сыыр” бары олохтоохторун биир дойдулаахтара Белянцев О.В. уордьанын докумуоннара көстүбүтүнэн эҕэрдэлиибит. Барыгытыгар кытаанах доруобуйаны уонна олоххутугар чопчу ситиһиилэри баҕарабыт.
***

Николай Корнилов – Сардаҥа,

Арассыыйа суруналыыстарын Союһун чилиэнэ.

“Кистэлэҥ Күүс” сурунаал