Дьокуускай куорат прокуроругар миниистир Андрей БОРИСОВ 2007 сыл тохсунньу 1 күнүттэн 2010 сыл муус устар 17 күнүгэр диэри иккис дуоһунаска сылдьыбытын үҥсэн суукка  сайабылыанньа түһэрбит. Оччолорго БОРИСОВ миниистири таһынан Саха театрын уус-уран салайааччытынан үлэлээбит.
Дьыаланы судьуйа Наталья ИВАНОВА көрбүт. Буруйдааччы оруолугар Дьокуускай куорат солбуйар прокурора Игорь МИРОШНИКОВ олорбут. Кини "миниистир ситэриилээх былаас үлэһитэ буоларын быһыытынан, театрга предпринимательствонан дьарыктаныа суохтаах этэ, сокуон бобор, уус-уран салайааччы тэрийэр-дьаһайар, театр экономическэй көрдөрүүтүгэр эппиэттиир дуоһунас" диэн эппит. Онуоха Андрей Саввич суукка туран "мин уус-уран салайааччы быһыытынан испиктээкиллэри туруорар этим, худсовет мунньаҕын ыытарым, эдэр актердары кытары маастар-кылаас ыытарым, туох да харчы хамсыыр, үлэҕэ ылар-ууратар кумааҕыга илии баттаабат этим" диэбит. 
Манна диэн эттэххэ, Андрей БОРИСОВЫ суукка Афанасий МАКСИМОВЫ көмүскүү сылдьар адвокат Ольга ТИМОФЕЕВА көмүскээбит. Кини Россия миниистирэ Юрий СОЛОМИН тэҥҥэ Малай театр худругунан сылдьыбытын суукка санаппыт. Судьуйа икки өрүтү истэн баран прокурор сайабылыанньатынан  миэрэ ыларга аккаастаабыт.  
Инньэ гынан, Андрей БОРИСОВЫ дуоһунаһыттан түөрэҥнэтэ сатааччылар сыалларын ситиспэккэ эмиэ отоойкоҕо олорбуттар.
***
Аартык.ру