"Аартык.ру" суут мунньаҕыттан - муус устар 16 күнүнээҕи быһылааныттан, репортаж суруйан таһаарбыта. Онно МГУ доцена ЧЕКУЛАЕВ туоһу быһыытынан ыҥырыллыбыта, үс прокурортан икки прокурору туоратарга хадатаайыстыба көрүллүбүтэ, суут истиитигэр Михаил ЭВЕРСТОВ кэлэ сылдьыбыта о.д.а. кэпсэммитэ.
ЧЕКУЛАЕВ дэбиэриннэһэ суох эрээри эмсэҕэлээччи "ЯТЭК" бэрэстэбиитэлэ буоларын судьуйа ХОРУЛИНСКАЯ итэҕэйбэккэ анал докумуон ирдээбитэ. Доцент 15 мүнүүтэ иһинэн "кыһалҕата суох дэбиэриннэс булабын" диэн киэп-хаап туттубута да, сарсыныгар - муус устар 17 күнүгэр тыҥ хатыыта Москубаҕа күрээн хаалбыт. Туоһу буолуохтаах, "көрдөрүү бөҕөтө биэриэхтээх" доцент кутуруга куйаарбыт, суола сойбут... "Прокурордар ЧЕКУЛАЕВЫ тараччы тутан аҕалыах буолан эрэннэрбиттэрэ даҕаны, ким билэр...", - диэн СЕДАЛИЩЕВ саарбахтыыр. Биллэн турар, ол күрүөйэҕи аҕалар кинилэр интэриэстэрэ суох буолун сөп. Албакааттар, араас депутаттар туоһуну тос мааһын ылар курдук эрийэн-мускуйан туоһуластахтарына муос-туйах сарбыллыан, аат алдьаныан, дьыала ис хоһооно биллэн тахсыан сөп. Оччотугар сакаасчыттар ааттара таҕыстаҕына өссө биир үтүө үлүгэр тахсар.
***
Онон "пративнай сахалары сах сиэтин!" диэн баран араас билиҥҥи, быыпсай депутаттар чокуйалларын кэтэспэккэ ЧЕКУЛАЕВ тэскилээбит диэн буолла.
***
Аартык.ру