Дьылы-күнү баттаһа Өлүөнэтээҕи пароходство үлэһиттэрэ судноларын өрөмүөннүүр түбүккэ сылдьаллар. Жатайга, Пеледуйга үлэ күөстүү оргуйар. Киренскэйдээҕи уонна Белай горатааҕы учаастактарга эмиэ хараабыллары сөргүтүү барар. 

Киренскэйдээҕи учаастак былырыын ыам ыйыгар тэриллибитэ. "ЛОРП" ААО генеральнай дириэктэрэ Сергей ЛАРИОНОВ этэринэн, пароходство 20 сылга саҥа кэҥээн республика таһыгар учаастак аспыт. Санатар эбит буоллахха, пароходство аан бастаан Киренскэйтэн тирэнэн сайдыбыта.
Онон оннооҕу учаастак историческай төрүккэ төннүү курдук сыаналанар.
Бүгүҥҥү күҥҥэ  Киренскэйгэ 35 судно турар. Манна 40-ча киһи үлэлии сылдьар. Былааннаммытынан 13 устар аалга өрөмүөн оҥоһуллар. 17 судно салайар-үлэлиир чаастара ириэрилиннэ. 
Киренскэйгэ үлэлиир флот үлэһиттэрэ саас кэлэрин тэһийбэккэ кэтэһэллэрин туһунан "ЛОРП" ААО пресс-сулууспатыттан Луиза ТУКТАРОВА иһитиннэрэр.
***
Аартык.ру