Биллэн турар, тэрээһин үлэни салайааччы хайдах аттаран былаанныырыттан тутулуктаах. Ол курдук, Иван Максимов баһылыктаах олохтоох дьаһалта салалтата 2011 сыл ахсынньытыгар нэһилиэк социальнай-экономическэй олоҕун тупсарар соруктаах социальнай бырайыак оҥорон, СР Президенин Граныгар кыттыбыт. 2012 ыл саҥатыгар Өймөкөөҥҥө ситэриилээх былаас отчуотун кэмигэр, правительство рабочай бөлөҕө нэһилиэк олохтоохторугар дьаһалта оҥорбут социальнай бырайыага кыайбытын туһунан иһитиннэрбит уонна 750 тыһ. солк. көлө атыылаһарга сертификат туттарбыт. Олохтоох дьаһалта президент граныгар бэйэтин үбүн эбэн, погрузчик-трактор атыыласпыт.

Сыл төрдүс кварталыгар улуус нэһилиэктэрин ортотугар ыытыллыбыт спартакиадаҕа бастакы миэстэни ылан, сордоҥноохтор сүрүн бирииһинэн – тракторынан наҕараадаламмыттар. Чөл олохтоох нэһилиэк спортсменнара төрөөбүт түөлбэлэригэр ити курдук иккис улахан наадаалаах көлөнү аҕалбыттар.

Ааспыт сыл олунньу ыйга олохтоох дьаһалта баһылыга Иван Максимов СР Президенин автобазатын государственнай тэрилтэтин салалтатыгар техникалара эргэрбитин, киин куоракка сылдьалларыгар, нэһилиэк олохтоохторун сырыылара ыараханын сиһилии быһааран туран, ккөлөнөн өйүүллэригэр көрдөһөн суруйбут. Сотору кэминэн Дьокуускайтан бэрт үчүгэй туруктаах «УАЗ-люкс» массыына олохтоох дьаһалта гараһыгар “олохсуйбут”. Сыл бүтэһигэр эрдэттэн бэйэлэрин мунньуммут үптэригэр баһылык өссө  биир саҥа УАЗ массынаны атыыласпыт.  

Ити курдук ааспыт сылга Сордоҥноох нэһилиэгин салалтата соҕотохто түөрт көлөннөн биирдэ «байа» түстэ.


Елена ПОТОЦКАЯ.