Бу күннэргэ Интернет-таһаарыы аайы республика киин куоратыгар уонна улуустарга чааһынай дьиэлэр, гаражтар, маҕаһыыннар умайбыттарын, дьон араас быһылааҥҥа түбэспиттэрин туһунан иһитиннэрэ тураллар.
Бытарҕан тымныы кэмигэр Чурапчыттан Уус-Алдаҥҥа айаннаан иһэр дьон массыыналара аара алдьанан, киһи тоҥон өлүүлээх быһылаан таҕыста. Ол курдук, тохсунньу 1 күнүгэр 4 эдэр дьон айаннаан истэхтэринэ, Сылаҥтан
***
Тохсунньу 7 күнүгэр Уус-Алдан улууһун Тиит Арыы нэһилиэгэр 1966 сыллаахха тутуллубут 39 оҕо үөрэнэр ситэтэ суох орто оскуолата бүтүннүү уокка былдьанна. Уот барбыт биричиинэтэ "электрическэй боробулуоха хатыһыыта" диэн буолла. Ааспыт сыл сэтинньи 14 күнүгэр былааны таһынан ыытыллыбыт бэрэбиэркэ баһаартан куттала суох буолууга 4 кэһиини булбут эбит. Үөрэх саҕаланнаҕына нэһилиэк оҕолорун Тандаҕа автобуһунан таһан үөрэттэриэхтэрэ. Баһаары умулларыыга 52 киһи, 7 техника үлэлээтэ.
***
Эмиэ Орооһооспо күн саха эстрадатын сулуһа Мирослав Егоров бу күһүн туттан киирбит икки мэндиэмэннээх чааһынай дьиэтэ бүтүннүү умайан хаалла. Сунтаар Элгээйитигэр 146 кв. иэннээх чааһынай маҕаһыын уокка былдьаммыт.
Тохсунньу 8 күнүгэр Хаҥалас улууһугар 6 №-дээх хаайыылаахтар колонияларыгар уу ситимин турбата тоҥо сырытта. Быһылаан тахсыбыт сиригэр СР Правительствотын председателин солбуйааччы Александр Скрыбыкин, Ыксалллаах быһыы-майгы Кылаабынай управлениетын генерал-майора Александр Горкун, Саха сирин быыһааччыларын сулууспатын үлэһиттэрэ тиийэн оперативнай штаб үлэтин сүрүннээтилэр, икки чаас устата үлэлээн, киэһэ 19 ч. колония хочуолунайын үлэҕэ киллэрдилэр.
Хочуолунай турбаларын чөлүгэр түһэриигэ 191 киһи, 34 техника үлэлээтэ.
Елена ПОТОЦКАЯ.