Генеральнай дириэктэр Сергей Ларионов  этэринэн, таһаҕас таһыы былырыыҥҥытааҕар  8% элбээбит. Ол иһигэр   871 тыһ.  т кураанах таһаҕас таһыллан, былырыыҥҥытааҕар 9% элбээбит, ол былааны  12% куоһарбыт. Кураанах таһаҕас таһыыта сыл түмүгүнэн туонна-килэмиэтиргэ таһаардахха -  1 млрд 24 мөл. буолбут.

     Төһө да ааспыт навигация ыарахаттардаах буоллар, пароходство эбээһинэһин барытын толорбут. Правительство, “ЛОРП” –  республикаҕа тутаах таһаҕас таһааччы буоларын өйдөөн, үп-харчы өттүнэн көмөлөһөспүтэ ;т;һ т;м;г; аҕалбыт. Ол курдук  Общество актыыбын тутула уонна баланс хаачыстыбата биллэ тупсубут. Сыл түмүгэр барыс аахсыллар чиничлээхтэрин Ларионов кэпсиир.

2012 сыл кэмигэр,  барыллаан ааҕыллыбытынан, барыта  1400 тыһ. туонна таһаҕас тиэллибит. Таһаҕас тиэйэргэ навигация кэмигэр 39 судно өр кэмҥэ түүлэһиллибит. Уу суола аһылларыгар Киренскэйгэ судоходнай учаастак тэриллэн ол түүлэһиллибит флоту үлэлэппит.

2013 сылтан саҕалаан Хотугу муора суолунан, пароходство, “Газпром” ААО таһаҕаһын таһан барыахтаах. 2015 сылтан саҕалаан саҥа техническэй регламент олоххо киириэхтээх. Оччотугар ньиэп, атын да убаҕас таһаҕаһы тиэйэр суднолар, хайаан да иккис түгэхтээх, борталаах буолуохтаахтар. “ЛОРП” судноларын реновациялаабатаҕына, Саха сирэ таһаҕаһынан хааччыллар былаана тохтор. Ону сэргэ Чукоткаҕа уонна Красноярскай кыраай хоту өттүгэр таһаҕас таһыыта эмиэ уустугарар.

 Анатолий Скырыбыкин ЛОРП судноларын реновациялыырга правительство өттүттэн көмө баар буолуо, үбүлээһин боппуруоһун бииргэ көмөлөөн тобулуохпут диэн эрэннэрдэ. “Чуолаан, Хотугу таһаҕас таһыытыгар ЛОРП туох баар үлэтин-хамнаһын туһаайыахтаах. Онтон атына кэлин быһаарыллыаҕа” диир кини.