,  

Улахан мунньахха курсаннары уонна преподавателлэри урукку выпускниктар, үлэлии сылдьыбыт дьон кэлэн эҕэрдэлээтилэр. Үөрэнээччилэр бэйэлэрэ  концерт бэлэмнээн көрдөрдүлэр.
1932 сыллаахха тэриллибит Речной училище ол саҕана техникум диэн ааттанара. Формалаах курсаннары Дьокуускай олохтоохторо олус сонурҕаан одуулаһаллара. Курсаннар наар стройхаамыынан сылдьалларын, ырыа ыллыылларын көрөөрү куорат барыта мустара диэн аҕыннылар. 
Саамай эрдэтээҥҥи выпускниктартан биир эрэ киһи билигин тыыннаах хаалбыт. 1947 сыллааҕы выпускник - "тиһэх флот бүтэһик бэрэстэбиитэлэ" курсаннарга сүбэ-соргу тылларын эттэ.
Речной училищеттан салайар үлэҕэ тахсыбыт Юрий Кайдышевы о.д.а. правительство вице-премьерэ  Анатолий СКРЫБЫКИН аҕынна. Ленатааҕы өрүс холбоһугун пароходствотыгар училище каадыры бэлэмнээн таһаарарын, 2015 сылтан саҕалаан өрүс-муора кылаастаах суднолар саҥа ирдэбилгэ эппиэттиир гына бэлэмнэниэхтээхтэрин эттэ. Онно үчүгэй, таһымнаах профессионаллар ирдэнэллэрин тоһоҕолоон бэлиэтээтэ.
Филиал билигин ыччаты 9 уонна 11 кылаас кэнниттэн үөрэххэ ылар. Оҕолор уопсайынан уонна күҥҥэ 4-тэ босхо аһылыгынан хааччыллаллар. Ону сэргэ, биллэн турар, кыраһыабай формаҕа тиксэллэр. 
***
Аартык.ру