Үрдүкү суут председателин дуоһунаһын туһугар улахан киирсии тахса сырытта. Икки болдьох председателлээбит Людмила ГОРЕВАНЫ сэргэ Москваттан кэлэн председатель солбуйааччытынан үлэлии сылдьар Елена СНЕГИРЕВА, атын судьуйалар Егор ВИНОКУРОВ, Афанасий НИКОДИМОВ, Евдоким ОКОНЕШНИКОВ, Владимир ДАНИЛОВ, куорат суутун председателэ Любовь ЛЕТУЧИХ, быыбарга кыттар баҕаларын биллэрбиттэрэ. Бүгүн, ахсынныь 14 күнүгэр, Москваҕа РФ Судьуйалар үрдүкү квалификационнай коллегияларын быһаарыытынан, бу дьонтон соҕотох ГОРЕВА кандидатуратын эрэ президент бигэргэтиитигэр киллэрэр буолбуттар диэн "В Якутии" хаһыат суруйар.
***
РФ Судьуйалар үрдүкү квалификационнай коллегия быһаарыытын туһугар ынырыктаахай киирсии тахса сырытта. Прокуратура, ФСБ, ИДьМ, ФСИН - күүс уоргаттар салайааччылара бары кэлии дьон. Людмила ГОРЕВА эрэ олохтоох каадырдартан Үрдүкү суут председателинэн олорбута. Онон, киинтэн анаан-минээн республика тиһэх "баррикадатын" ыла кэлбит москвичка хоттордо диэн билэр дьон кэпсииллэр.
***
Людмила ГОРЕВА 28 сылы быһа судьуйалаабыт киһи. Саха сиригэр аан маҥнайгы Юстиция дьахтар-миниистирэ, СР Үрдүкү суутун председателин дуоһунаһыгар анаммыт бастакы дьахтар.
***
Аартык.ру
Саха сирин Үрдүкү суутун председателин дуоһунаһыгар Людмила ГОРЕВА кандидатурата эрэ хаалла
Суббота, 15 Декабря 2012 00:59
"Коммунист" хаһыакка хаста да төхтүрүйэн Галина МОХНАЧЕВСКАЯ ааптардаах Саха сирин Үрдүкү суутун салалтатын хаарыйар ыстатыйалар тахсыталаабыттара. Маны утаран общественность аатыттан "бас-баттах барбыт" коммунистары чааннарын тардарга уолдьаспытын туруорсан сурук бэлэмнии сылдьыбыт дьон баар сурахтаахтара.
Комментарии