Соторутааҕыта интернет-сайтарга хаайыылаахтар ортолоругар "Кащей" диэн, эбэтэр Рома Краснодарскай диэн ааттанар "вор в законе" - Роман Кащаев бэдик Үөһээ Бэстээхтээҕи хаайыыга аҕалыллыбытын туһунан суруйбуттара. Бу киһи омугунан адыгей эбит, Энем диэн дэриэбинэҕэ төрөөбүт. Адыгея Краснодарскай кыраайга киирсэр.
Кащеев 38 саастаах дииллэр, тиһэҕин "Дон" трассаҕа Москуба таһыгар тутуллубут. Ол тутулларыгар хаайыылаахтар "общак" диэн ааттыыр хара хаассаларын илдьэ сылдьар эбит. Онно уопсайа 6 мөлүйүөн солкуобай кэриҥнээх валютаны илдьэн испит, эбиитин буолунай героин таһаҕастааҕын булбуттар.
Кащей туох да аһара элбэх ыстатыйанан сууттанан Үөһээ Бэстээххэ сытар диэн "Якутск вечернэй" суруйар. Билигин бу киһини кытаанах манабыллаах  камераҕа соҕотоҕун олордоллор эбит. 
Омук, өссө наркотигынан дьарыктанар киһи хаайыыга сытар саха ыччатыгар тугунан сабыдыаллыаҕа биллибэт. Тоҕо да Саха сиригэр буруйун боруостуур буоллаҕай, киин сиргэ хаайыы итээбит дуу?
"Аартык.ру" бу сайын Бэстээх холуонньатын иһиттэн  репортаж оҥорбута. Онно 1000 кэриҥэ киһи олороруттан улахан аҥаара 18-35 саастарыгар диэри саастаах саха ыччата олорорун кэпсээбитэ (http://old.aartyk.ru/sobitiya/item/1211-b%D2%AFd%D2%AFr%D2%AFyb%D2%AFt-k%D3%A9mm%D3%A9t-ychchappyt-a%D2%A5aara-haayyyga-olordo%D2%95una).


***
Аартык.ру