2012 сыл, сэтинньи ый 16-гар Москваҕа Афанасий МАКСИМОВ дьыалата РФ Үрдүкү суутугар көрүллэн баран Саха сирин Үрдүкү суутун Президиумугар хаттаан көрөргө быһаарыллыбытын туһунан "Аартык.ру", "В Якутии.ру" интернет-хаһыаттарга иһитиннэрии тахсыбыта. Сонуну депутат общественнай көмөлөһөөччүтэ Николай СЕДАЛИЩЕВ кэпсээбитэ.
Сонун-нуомас республика бары муннуктарыгар кыл түгэнэ тарҕана охсубута. Бу кэнниттэн республика Үрдүкү суута "туох да официальнай иһитиннэрии Москваттан киирбэтэҕин" туһунан, хайдах эрэ сурах олоҕо суох диэбит курдук журналистарга  эппиттэрэ. Николай СЕДАЛИЩЕВ: "Суут массыыната көнтөрүк, дьыаланы-куолуну 10-ча хонук иһигэр сөптөөх нуорманан толорууга барыыллар, ол иһин официальнай информация хаһан баҕарар хойутуур үгэстээх", - диэн итини быһаарбыта. Николай Иннокентьевич этиитэ оруннаах буолла, бүгүн РФ Үрдүкү суутун официальнай сайтыгар маннык иһитиннэрии таҕыста:
"Судебная коллегия по уголовным делам. Судебный состав.
Поступило по жалобе на приговор от 12.12.2011. Якутский городской суд. 
Лица по делу: Максимов Афанасий Николаевич, УК РФ: ст. 160 ч.4; ст. 199/2; ст. 159 ч.4; ст. 69 ч.3; Пахомов Игорь Иннокентьевич, УК РФ: ст. 160 ч.4; ст. 159 ч.4; ст. 69 ч.3; Рожин Владимир Семенович, УК РФ: ст. 33 ч.5 - ст. 159 ч.4; ст. 73; Чикачев Игорь Алексеевич, УК РФ: ст. 160 ч.4; ст. 199/2; ст. 201 ч.2; ст. 69 ч.3
22.11.2012 По делу вынесено определение, постановление 
Движение по делу:
11.09.2012 Передача судье (консультанту)
22.11.2012 Изучение дела - Возбудить надзорное производство в Президиуме ВС республики, обл., краевого или окр. суда (http://www.vsrf.ru/moving_case.php?findByNember=74-%C412-13)".

Онон,  холуобунай дьыала Дьокуускайга кэллэҕинэ, сокуон быһыытынан 15 хонук иһигэр РФ Үрдүкү суутун быһаарыыта Саха сирин ҮС Президиумугар көрүллүөхтээх. 
Маннааҕы суут ханнык быһаарыыны ыларын дьон-сэргэ олус кэтэһэр. Улахан айдааннаах дьыала бу сырыыга хайа диэки салаллара, дьэ...

Аартык.ру