Өрүс быстар кэмигэр паромҥа киирэ сатаан араллаан бөҕөтө тахсааччы, быйыл бэрээдэги ОМОН, ППС, тырааныспар полицията кытаанахтык көрдө-иһиттэ. Онон улахан аймалҕан тахсыбата.
Бүгүн күнүс Даркылаахтан анараа кытылга тиһэх паром барда. Түүнүн 40 кыраадыска тиийэр тымныы түһэн, өрүс чааныгар туман бурҕачыйар буолан 
“Север” ХЭТ дьону эрдэттэн тиһэх рейс сэтинньи 20-тинэн бүтэрин биллэрбитэ. Хайа да бэйэлээх аныгы судно тыйыс тымныыны кытары тэҥҥэ охсуһар кыаҕа суоҕа өйдөнөр буоллаҕа.
“Север” ХЭТ дьону эрдэттэн тиһэх рейс сэтинньи 20-тинэн бүтэрин биллэрбитэ. Хайа да бэйэлээх аныгы судно тыйыс тымныыны кытары тэҥҥэ охсуһар кыаҕа суоҕа өйдөнөр буоллаҕа.Аны саас ким хайа иннинэ «Капитан Бородкин» ледокол арыалдьыттаах эмиэ уу суола саҕаланыаҕа. Онуоха диэри мууһу кытары өрө мөхсүбүт хараабыл сыннньана, өрөмүөннэнэ Жатайга туруохтаах. Виктор ШАБАЛИН, ледокол капитана этэринэн эһиил бу судно тутуллубута 30 сааһын туолуохтаах. Судно күүһэ - 6548 ат күүстээх, туох да тардылыга суох уһуннаҕына чааска 25 км устар кыахтаах эбит.
Ледоколга Астраханьтан кэлэн курсаннар практикаламмыттар. Тыйыс айылҕаҕа устарга сүрэхтэммит уолаттартан, кэнэҕэс чулуу речниктар тахсыахтара диэн капитан эрэнэр.
«Север» СК ХЭТ салайааччыта Руслана Левченко биллэрбитинэн, таһаҕас таһыытын быйылгы былаана барыта туолбут.
Луиза ТУКТАРОВА,
ааптар хаартыскаҕа түһэрдэ.