Аһаҕас акционернай общество 7 млрд иэстээх диэн этэллэр, бэйэтин сыаната эмиэ 7 млрд солкуобайга  сыаналаммыта. 

"Нижне-Ленскэй" атыыланар чыыһылата чуолкайданна - бу дьыл ахсынньы 22 күнүгэр 51 бырыһыан акцията аукциоҥҥа тахсар.

Алмаас хостуур хампаанньаны атыылаһарга улахан интэриэһи АЛРОСА АК самалык тэрилтэтэ "Анаабыр алмаастара" биллэрэ сылдьыбыттара.

Оттон АЛРОСА АК эһиил хонтуруоллуур пакетын акцията номнуо эһиил атыыланыаҕа диэн экспертэр суоттууллар. Бастакы атыылаһааччы АЛРОСА дьиҥнээх хаһаайына буолуо суоҕа, эргийэн-эргийэн израилитяннарга тиксиэҕэ диэн сабаҕалыыллар.

Дьиҥинэн, "Нижне-Ленскэй" Саха сиригэр хаалара буоллар ордук буолуох этэ. Аукциоҥҥа кыттар тэрилтэлэр испииһэктэрэ ахсынньы 8 күнүгэр чуолкайданыахтаах. Билиҥҥи туругунан, УФАС көҥүлүн - "Анаабыр алмаастара" ААО, "Севералмаз" ААО (иккиэн АЛРОСА самалык тэрилтэлэрэ) уонна "ФинКонсалт" ХЭТ, "Успех-2011" ХЭТ (бу чааһынай тэрилтэлэр иккиэн Дьокуускайга биир аадырыска регистрациялаахтар) ылбыттара.

***