Дьэ бу киһибит Билибин уулуссатыгар икки учаастагы, уопсай иэнэ - 6775 кв. м, түүлэһэн ылбыт сураҕын истэн, айылҕа харыстабылын прокуратурата бэрэбиэркэлиир. Гусев бу сири "ойууру харыстыыр" сыалга ылбыта ааттанар.
Депутат тыаны барытын кэриччи тимир олбуорунан төгүрүтэр.

Прокуратура сылы быһа эриһэн туран, депутаттан сири төттөрү былдьаата, урукку мээр Юрий ЗАБОЛЕВ дьаһалын көтүрдэ уонна "депутат тимир олбуорун көтүрэн ойуурун куоракка туттарда" диэн сонун тарҕанна.

Алексей ГУСЕВ сири ылар судургу быраабылата олохтоммутун кэннэ, тутум былдьаһан  буолунай сири туура тутан ылбыта, билигин кини "ойууру харыстаабыт өҥөтө" буолан таҕыста. Кини ол кэмҥэ тыаны ылан олбуордаммыта - "куһаҕан дьон" сири барытын үллэстиэхтээхтэриттэн быыһаабыт. Онон Гусев күөх зонаны "куһаҕан дьонтон харыстаан" бэйэтин аатыгар оҥотторбут уонна сокуон уларыйбытыгар "төттөрү бүтүн ойууру куорат олохтоохоругар бэлэхтээбит".
Онон, күөх зонаны быыһаабыт "бочуоттаах меценат" Гусевка махтанарбытыгар эрэ тиийэбит... 
***
Алексей ГУСЕВ эһиил Дьокуускай куорат Думатын депутатын талар быыбарга үһүстээн төхтүрүйэн киирсэр былааннааҕа иһиллэр. Онно кини ити "өҥөтүн" хайаан да ахтар буолуохтаах.

ААРТЫК.ру