Быраабы араҥаччылыахтаах, сокуон тутуһулларын мэктиэлиэхтээх уорган бэйэтэ бэйэтинэн сокуону кэһэ, сүүлүктүү олороруттан нэһилиэнньэ улаханнык кэлэйэр.
Ытыктабыллаах Ирина Анатольевна, РФ Генеральнай прокуратуратыттан Саха сирин прокуратуратыгар ыытыллыбыт бэрэбиэркэ актарын ылан, судаарыстыба аатын түһэн биэрэ сылдьар прокуратура үлэһиттэрин дьыалатын Кэмитиэккитигэр дьүүллээҥ диэн көрдөһөбүн”, - диэн Федот ТУМУСОВ суруйбут. Суругар 27 лиис сыһыарыыны туппут.
ТУМУСОВ суругар федеральнай ирдэбилгэ сылдьар урукку Ис дьыала миниистирэ Яков СТАХОВЫ эмиэ хаарыйан ааспыт.
Бу сурук хайдах түмүктээх буолара - Федот ТУМУСОВ тыла-өһө Госдумаҕа төһө ыйааһыннааҕын туоһулуоҕа. Аҥаардас быыбардарга эрэ анаммыт көрүнньүк ирдэбил дуу, эбэтэр дьиҥнээхтик норуот туруорсуутун ситиһэр баҕалаах туруорсуу дуу...
***
2013 сыл олунньуугар СР Үрдүкү суутун бэрэссэдээтэлэ уларыйыахтаах. Билиҥҥи бэрэссэдээтэл Людмила ГОРЕВА оннугар ким хантан кэлэн өссө биир сокуону-быраабы олохтуохтаах муҥур дуоһунаска олоруо биллибэт. ИДьМ, ФСБ, Прокуратура, ФСИН салайааччылара бары кэлии дьон. Соҕотох Горева эрэ олохтоох каадыр этэ. Сэрэйдэххэ, сууппутугар даҕаны “варягы” олордор буолуохтаахтар.
Аартык.ру