Василий Филиппов Саха сиригэр кэлбит сураҕын суруйбуппут. Василий Васильевич ханнык баартыйаҕа сыстарын таайа сатыыр дьон уоскуйдуннар: «Правай дьыала» баартыйа испииһэгин барылыгар «бастакы нүөмэринэн» сылдьара иһиллэр. Санатар эбит буоллахха, Прохоров баартыйатын регионнааҕы салайааччытын дуоһунаһыгар икки киһи кандидатурата ахтыллара - Афанасий Максимов уонна Федор Луковцев.

«В Якутии» ИХ суруйарынан,    бу икки киһи тус-туһунан испииһэк оҥоро сылдьаллар. Луковцев испииһэгин бэйэтэ баһылаабыт, иккис нүөмэринэн  Вячеслав Шадрин (Гуманитарнай чинчийии институтун үлэһитэ, юкагир общинатын салайааччыта), үсүһүнэн хаһан эрэ Аппа уҥуордааҕы уокуруктан Ил Түмэн быыбарыгар тура сылдьыбыт Николай Мамруков (арбитраж управляющайа). Оттон Максимов бастакы киһинэн - Василий Филипповы суруйбут, иккиһинэн баҕар бэйэтэ туруо» диэн хаһыат сабаҕалаабыт.

Онон 2001 сыллааҕы президент быыбарыгар кыттыбыт сүрүн кандидаттар: М.Николаев, В.Штыров, А.Максимов, Ф.Тумусов, В.Филиппов бары мустубуттар. Дьэ, кытаанах киирсии буолаары гыммыт, доҕор.

Хаартыска "В Якутии" сайтан ылылынна.