Суолтан массыына тутан баран, 20 сыл ыстаастаах суоппары, Хатыҥ Үрэххэ илдьэригэр көрдөспүттэр. Хатыҥ Үрэх чиэски сытар сиригэр илтэрэн баран суоппар сордооҕу быһахтаан кэбиспиттэр.
Ол кэннэ эр киһини массыынатын багажнигар уган баран суукканы быһа тиэйэ сылдьыбыттар. Сотору-сотору биир урдустара тахсан быһаҕынан, отверканан сүрэххэ-быарга анььыалыыр эбит, атыттара утарылаһар киһини тутан биэрэллэрэ үһү... Уопсайа бу киһи эрэйдээҕи 82-тэ охсубуттар, 62-тэ быһаҕынан нырыылаабыттар.
Бу киһини тыыннаахтыы моруу гыммыт дьон кэлин Ньурбаҕа тиийбиттэр, онно тиийэн арыгылыы сылдьан полицияҕа тутуллубуттар.
Маннык дьиикэй икки атахтаахтар холуобунай дьыалаларын СР Үрдүкү суута көрүөхтээх.
"Саха - айылҕа оҕото, уорбат, өлөрбөт" диэн хаһан эрэ этэллэрэ... Төттөрү төрүөхтэр элбээн иһэллэр. 
***
Аартык.ру