ПАРАХИН былырыын оппозиция суоҕугар оппозиция аатыран дьокутаат буолбут киһи. "Кармен" диэн массыына сапчааһын атыылыыр хас да маҕаһыыннаах, ойоҕо эмиэ урбаанньыт, ас атыылыыр маҕаһыыннары тутар. ПАРАХИН эмиэ Жириновскай курдук омук. Арыгы атыыланар чааһын уһаттара сатаабыт "өҥөлөөх" "норуот дьокутаата". 
Былырыын Афанасий МАКСИМОВ "Гражданскай платформата" быыбарга былааһы утары аһара туттумахтаан хаалан, үрүт-үөһэ үөхсэн парламеҥҥа киирэр бырааба быһыллыбыта. Онон Ил Түмэҥҥэ, ГП оннугар, национальнай республикаҕа баҕас ылбат-биэрбэт, туох да дьайар күүһэ суох, уу ньамаан партия бэрэстэбиитэлин Гаврил ПАРАХИНЫ  үҥүрүтэн биэрбиттэрэ. Демократия үйэтигэр национальнай парламеҥҥа "оппозиция" баар буолуохтаах диэн санааттан.  
ПАРАХИН Ил Дархаҥҥа киирсэр баҕалаах. Сэрэйдэххэ, эмиэ ахсаан суотугар киллэрбит киһилэрэ буолара чахчы. Дьиҥинэн эбитэ буоллар, ПАРАХИН "мунфильтры" ааһар да кыаҕа суоҕа. Саханы Лээхэп арыытыгар ыыттарыам диэн саанар Жириновскай саллаатыгар ким илэ өйүнэн илии баттаан Ил Дархаҥҥа киирсэрин өйүөх этэй. Ону баара үөһэттэн "ыйыы-кэрдии" күүһүнэн, кыра-хара дьокутааттар, баһылыктар "кыырт"  туһугар илии баттаан хачыгырыппыттар. Эбиитин эп диэбиккэ дылы, Киин быыбардыыр хамыыһыйа кимнээх ПАРАХИН туһугар илии баттаабыттарын дьон-сэргэ истиитигэр таһааран, ол дьону ууга-уокка астылар. "Ким да билиэ суоҕа, баттааҥ диэбиттэрэ. Хайыахпытый, үлэ күндү кэмигэр баттаатахпыт", - диэн улуус дьокутаата суҥхарар. Билигин илии баттаабыт дьокутааттары нэһилиэк дьоно бэйэлэрин Лээхэп арыытыгар ыытаары туруна сылдьаллар. 
ПАРАХИН быыбарга кыттар сыала-соруга биир - 2016 сылга Уһук Илинтэн ЛДПР аатыттан Госдумаҕа киирии. Биһиги дьоммут онно өйөбүл буолуохпут диэн эрэннэрдэхтэрэ. Алдьатыылаах арыгыны атыылыыры көҥүл-босхо ыытары модьуйар дьокутаат Госдумаҕа тиийэн Саха сирин интэриэһин, сахалар тустарыгар "тыынын толук ууруо" диэн киһи улаханнык саарбахтыыр. 
Ол да буоллар, оонньуу аата оонньуу, Ил Дархан быыбарыгар ПАРАХИНЫ кимнээх итэҕэтэр сыаллаахтарый? Бэйэтигэр үөрэ-дьүөрэ адвокаттар уонна абитуриеннар, генеральнай дириэктэрдэр, быһатын урбаанньыттар эбит. Ол быыһыгар 5 сахаҕа майгынныыр араспаанньалаах дьон баар:

1.	Бессонов	Станислав	Анатольевич	13.03.1973	Адвокатский кабинет «Бессонов Станислав Анатольевич»	Адвокат
2.	Ведёхин	Григорий	Сергеевич	23.08.1993	ООО «САХА Пром Транс Сервис»	Директор
3.	Евсюков	Алексей	Николаевич	07.09.1975	Усть-Майский филиал ОАО «ТЭС»	Ведущий инженер
4.	Зыбцев	Андрей	Владимирович	01.09.1977	ООО «Инновационные технологии энергетического комплекса»	Генеральный директор
5.	Инютин	Владимир	Валентинович	25.09.1971	МАУ ВРО «Воронежский институт экономики и социального управления	Доцент
6.	Кондратьев	Юрий	Сергеевич	28.08.1982	ИП «Кондратьев Ю.С.»	Директор
7.	Макаров	Семен	Витальевич	03.08.1989	ООО «Интер-Медиа»	Генеральный директор
8.	Матяш	Андрей	Алексеевич	25.06.1971	Индивидуальный предприниматель «Матяш А.А.»	Директор
9.	Полынский	Валентин	Валентинович	11.12.1995		Абитуриент
10.	Протопопова	Ольга	Николаевна	08.11.1979	Индивидуальный предприниматель «Протопопова О.Н.»	Директор
11.	Телевицкий	Александр	Евгеньевич	13.08.1974	МУП «Центральная аптека»	Генеральный директор
12.	Третьяков	Василий	Николаевич	30.12.1952	Общественная организация юкагиров п. Черский община «Алаичи	Председатель
13.	Трубицын	Илья	Юрьевич	08.01.1983	ООО ««СахаСтройМонтаж»	Генеральный директор
14.	Шишман	Ирина	Николаевна	31.07.1981	ГБУ «ЦРБ» Оймяконского района	Бухгалтер