КБХ мунньаҕын быһаарыытын Роскомнадзорга ыытар, ол дьон атырдьах ыйын 7 күнүгэр хаһыат икки балаһатыгар аҕытаассыйа тахсыбытын дуу, суоҕун дуу быһаарыахтаахтар. Ол кэннэ аҕытаассыйа барбыт диэтэхтэринэ хаһыат ботуччу суумаҕа ыстарааптанар. 
"Аартык.ру" кылаабынай редактор Александр ЯКОВЛЕВЫ кытары кэпсэтэ сылдьыбытыгар:
- "Оннук үһү" эрэ диэн сураҕы истибитим. Туох да докумуоуну илиибэр тута иликпин. Онон комменатрийдыырым сатамньыта суох. 
- Хайдах, хамыыһыйа  мунньаҕар кыттыбытаҕыҥ дуо?
- Хаһыат тахсар күнэ этэ, ол иһин барбатаҕым. Ыҥырарын ыҥырбыттара. Хайдах-туох матырыйаал тахсыбытын юристар быһаарсыахтара дии саныыбын. Туох барыта үчүгэйдээх да, куһаҕаннаах да. Хата, бу сонунунан туһанан хаһыатым босхо рекламаланан хааллаҕа (күлэр). 
***
Санатар эбит буоллахха, СМИ быһыытынан регистрацияламмыт хаһыаттар, араадьыйалар, телевидениелэр - быыбар буолуо 28 хонук эрэ иннинэ аҕытаассыйаны саҕалыахтаахтар.
***
Аартык.ру