Горнай соҕотох бэрэстэбиитэлэ Василий НАРОДОВ регистрацияны ааспата. Илии баттааһыныгар доҕолоҥнообутун быыбар хамыыһыйата булан ылан былаах оҥоһунна. НАРОДОВКА ол туһунан телефонограмма ыыппыттарыгар анарааҥҥылара аахайбатах. Атына эбитэ буоллар сууттаһа сүүрүө эбит, ону тутааччы-урбаанньыт үлэтин үгэниттэн быыс булуон баҕарбата, ТИКтэр илдьиттэригэр хардара да сатаабатах.
Онтон үөһээ бүлүүлэртэн төрүттээх дьонтон икки киһи туораата.
Бу күн Баһылай ФИЛИППОВ биир идэлээҕэ энергетик Николай ИЛЬИН быыбар биэтэгиттэн халыйда. ИЛЬИН сууттаһан баран тэйэр санаалаах диэн сэһэргииллэр.
Итини сэргэ быыбартан Лидия АЛЕКСЕЕВА туораабыт. Лидия Николаевна Мэҥэттэн төрүттээх, ДьТХГА преподавателэ. Кинини биир кыахтаах үөһээ бүлүү Леонид ВЛАДИМИРОВ туруора сатаабыт.
Хаалбыт хандьытааттартан Иван ШАМАЕВ (РЛ дириэктэрэ, общественник, партията суох, Дьокуускай), Матрена ОСИПОВА (ҮөБ техническэй лицей дириэктэрэ, Биир ньыгыл Арассыыйа партия, Үөһээ Бүлүү), Константин ТИМОФЕЕВ (“Сахаагропродукт” дириэктэрэ, Аграрнай партия чилиэнэ, Дьокуускай) илин-кэлин түсүһэргэ тутум кыахтаахтар диэн сыана быһаллар.
Оттон быыбар хампаанньатыгар эрдэ уһуллубутахтарына эҕэ-дьаҕа буолар дьон ахсааныгар киллэрэллэр: Елизавета СТЕПАНОВА-ГАЗИЗОВАНЫ, Никита ТИМОФЕЕВЫ (Сиэрдээх Арассыыйа, Дьокуускай), Кирилл СОФРОНОВЫ (Гражданскай платформа, Дьокуускай).
***
Аартык.ру
Комментарии
Источник: aartyk.ru