Баһаар сиринэн буолбакка, мастар төбөлөрүнэн барбытынан уонна кураан тыала күүстээх буолан сатыы киһиэхэ хайдах да бэриммэт хабааннанна. Ыалтан биирдии эр киһини булгуччу уоту умуллара бараҕыт диэн модьуйбуттарын да иһин, былырыыҥҥы баһаарга дьон былдьана сыспыт буолан баҕалаахтар аҕыйахтар. Биир өттүнэн, тыа дьоно отторун-мастарын үгэнэ, кыстыкка бэлэмнэнэн түбүгүрэ сылдьаллар. "Бүлүү эҥээр улуустарыгар баһаар буруотуттан тыҥа иэдэйдэ, сатахха өҥүрүк куйаас турар, оттообут оппут буруоҕа ыыһанна, кыстык хайдах буолара биллибэт, онтубутун өссө уокка былдьатан ыал устун барарбыт буолуо иэдээн диэн", - диэн дьон айманар. Инньэ гынан кыһалҕа улахан ыга анньан кэллэ.
Ньурбаҕа билиҥҥи туругунан, үс сиргэ улахан ойуур баһаара баар. Бу ыксааллаах быһыыга-майгыга, үгэс курдук улуус баһылыга Борис ПОПОВ уоппускаҕа сылдьар, улууска суох, депутаттара эмиэ Аммаҕа муниципальнай тэриллии депутаттарын слеттарыгар сылдьаллар.
***
Аартык.ру
Ньурбаҕа Чуукаар сэлиэнньэтигэр уот чугаһаата, дьон көһөргө күһэллэн эрэр
Суббота, 19 Июля 2014 10:54
Уот курааны түүйбүттэрэ дьэ кэлэн ойуур баһаардара нэһилиэнньэлээх пууннарга чугаһаан ыксатан эрэллэр. Ааспыт нэдиэлэҕэ Кэбээйи Арыктааҕын олохтоохторун суһаллык көһөллөрүгэр сүбэлээбиттэрэ. Аны билигин Ньурба улууһун Чуукаарыгар уот лаппа чугаһаата, Күндээдэҕэ эмиэ куттал суоһуур.
Комментарии
Попов котоку эмиэ доруобуйа тын корунэ сырыттаза дии бука сэрэйдэххэ. Иэдээн ойуур баьаара нэьилиэнньэлэрг э тынаан кэлбитин кэннэ дьаьайар дьоннорбут суохтара хоиолтолоох...