“Элэккэй эрэ майгылаах” дэттэрбит, “бэрт баҕайы” аатырбыт кэлии киһибит, тотон-туолан бардамсыйан, биһигинньиктэри баҕастары талбытынан дьаһайаары ис дьиҥин көрдөрөн тыыныы-тыбыырыы кытаанаҕа! Уларыттар да ыстаана суох, уһун солкуобайы батыһан хоту түспүт, айаныгар да соххор солкуобайа суох сулумах устудьуон Саха сирин олохтоохторун көмөтүнэн баай собуот бардам хаһаайыныгар тиийэ үүнэн баран ама итинник эппэт-тыбыырбат буолуо дуо? Биһиги бөлөнөхпүтүгэр босхо төлөһүйэн, сүөгэйбитигэр күөлэһийэн баран, халлааны хабарҕатынан тыынан салалтабытыттан саҕалаан суруналыыстарга тиийэ “бэйэтин бэрээдэгин” олохтоору соруммута олуонатын! Бу тугуй?! Биһиги төрөөбүт дойдубутугар аны тугу да ылара суох буолаат киһибит били күлбүт-салбыт, эккэлээбит уобараһыттан тахсан аһыытын килэттэ дуо?! Биир бэйэбэр бу киһи кэмэлдьитэ В.Серошевскай умнуллубат кэпсээнин санатта. Уу-чуумпутук олорбут саха ыалыгар амырыын дьукаах түбүлээбититтэн балаҕаннаахтар барахсаттар олохторо огдолуйбута, киһи аатыттан ааһар ыал дьылҕаламмыттара...

Билигин аҕыйах эрдэхтэринэ маннык “дьаһайар” буоллахтарына, сүүһүнэн тыһыынча, уонунан мөлүйүөн буоллахтарына букатын да тыыммытын иһиллииһиктэр дии... Маа бэйэлээхтэр харчы таммалаттахтарын аайы илиилэриттэн сыллыы-сыллыы кинилэри арбаан  хачыгырдыы сылдьыахтаахпытын ирдииллэр дуо? Баҕар, омук сиригэр Азербайджаҥҥа бардахпытына кумуна-иминэ, сирэй-харах манаһа түһүөхпүт этэ, оттон бэйэлээх бэйэбит дьиэбитигэр, сирбитигэр-уоппутугар сылдьан кэлии дьон эппитинэн, кинилэр ыйбыт “көнө ыллыктарынан” арааһа сырытыннарбаттара буолуо ээ! Тоҥмут-хаппыт эрэйдээхтэргэ аҕыйах унитаз туруорбутунан өҥ туттан төбөбүтүн-сүрэхпитин сүүйбүт саҕа сананан Шах курдук санаммыта тугун сүрэй! Хоту сир олохтооҕо киһиэхэ киһилии махтаммытын, “унитазка  олордорбун эрэ Алиш уобараһын көрөбүн диир” диэн күлүү-элэк аҥаардаах интервью биэрэрэ өһүргэтиилээҕин ааһан сэнэбиллээх. Биһиги “унитазка эрэ олордохпутуна махтанар омукпутун” туһунан эҕэ-дьаҕа тыллара тириим таһынан киирбиттэрэ. Бу айылаах бочуокка, аакка-суолга тиксэн баран күлэ-күлэ күлбүтүн таптайара кыһыылааҕын ааһан өһүргэтиилээх, сэнэбиллээх  дьыала! 

***

 

Өссө кини миигин саралыыр “видеоламмыт” үһү,  буолаары буолан “интим” үһү! Ити аата тугуй?! Саха дьахталлара ис хаан сэлээрдэр, күүһүлэнэн баран -60 кыраадыска тоҥуу хаарга да быраҕылыннахтарына даҕаны “бэйэлэрэ буруйдаахтар” диэн сананыы дуо?! Ону “борцы республики” өссө “өйдүүллэр” үһү уонна “простых” людей “очень таптыыр” МАМЕДОВКА махтаныахтара үһү. Ити барыта мин кэмим иннинэ анараа дойдуга аттаныахтаахпын баҕаран дуу, атын санааттан дуу “Некролог про меня надеюсь не вы напишите! !!” тахсар быһыылаах... Санааҕар ини диэххэ баҕарыллар.

Тыый, аны тойоҥҥо КИНИ өйдүүрүн курдук “сами переводи” гыныахтаахпыт... кэтэспэлии түспэккин да? Өссө кини миэхэ “начал привыкать” – бу дьолу!.. Саха киһитэ Саха сиригэр сылдьара өссө “привыкание” диэн ааттанар эбит ээ!  Дьиэбэр, бэйэм сирбэр олоробун, ханна да сылдьарым, хайдах да буоларым -БАҔАР АТАХПЫНАН ТУРУОМ, БАҔАР ТӨБӨБҮНЭН ТУРУОМ – ол МИН КӨҤҮЛҮМ, МИН СИРИМ!!! Кэлии дьон олохтуур бэрээдэгинэн олорор кэмҥэ тиийбэтэх көнө!

Аны бу киһибит 35 сылы быһа Саха сиригэр олорбут да, дьахтары мал курдук көрөр төрүт омугун итэҕэлин тута сылдьар эбит. Мусульманнар дьахтары дьиҥнээхтик “интимнээтин да, интимнээбэтин”   эр киһи “оннук” диэн “быһаарда” да тааһынан тамныыр дьиикэй омук буоллахтара. Ол өйдөбүлэ бу 35 сыл тухары хотугу чысхааҥҥа сайҕаммакка кэллэҕэ.

Ханнык баҕарар норуот эр киһитин саамай ынырык сэнэбилэ – кини ийэтин, балтын, эдьийин, кэргэнин үөҕүү буолар. Соторутааҕыта ватсапка икки “саха” (өссө ону чуолкайдыахха наада) дьахтара хара омуктар иннилэригэр охсуһан булумахтана сылдьар видеота атах балай сылдьара. Бу баҕайылар төгүрүччү үмүөрүһэн туран ол сордоохтору бары телефоҥҥа уста тураллар! Көрүҥ, бу эһиги ийэлэргит, ойохторгут, кыргыттаргыт манныктар диэн! Көр да маны, олохтоох дьон миэстэтин ыла-ыла, харчыбытын таһа-таһа өссө ыт элэгэр ыытыахтара үһү!

***

Саҥа дьыл иннинэ президент дьокутааттары кытары көрсүһүүтүгэр маҥай аллаах МАМЕДОВ “РИК” ААО харчыта ханна бараммытын ирдэһээччи буолан турда. Оттон 100 мөлүйүөнэ кини собуотун сөргүтэригэр барбыта эбээт, бэлиэр, умнан кэбиспит муҥа дуу...

Аны Ykt.Ru сайтка биэрбит интервьютугар этэр “республика салалтатыгар көрүстэҕим аайы сүбэлиибин” диэн. МАМЕДОВ салайар собуота атыыланыан иннинэ уутааҕар чуумпутук, оттооҕор намыһахтык, барыбытыгар “бэйэ киһитэ” буолан күлэн-салан сылдьыбыта. Онтон собуот хаһаайына уларыйаатын кытары,  Аҕа баһылыкпытын “сүбэлиир”, биһигинньиктэри – аҥалалары “российскай таһымнаах предпринимателлэр эрэ” салайыахтаахтарын туһунан “хорсуннук” дойҕохтуур буолбута кыһыылаах.  

 

***

Сүүһүнэн сыл анараа өттүгэр, билигин даҕаны, өркөн өйдөөхтөрбүт, сытыы тыллаахтарбыт, айылҕаттан айдарыылаахтарбыт кэлии дьон кэлэн айбардаатахтарына олохпут огдолуйуоҕун, ыччаппыт кэхтиэҕин, саха омук саргыта сарбыллыаҕын туһунан эппиттэрэ, сэрэппиттэрэ ыраатта. Ол түгэн ыга анньан кэллэ дии санаабаккыт дуо? Бөлөнөхпүтүгэр бөскөйөн, сүөгэйбитигэр күөлэһийэн баран “эн-мин” дэспит туора омук киһитэ  кыаҕырдаҕына, киэптээтэҕинэ атын сирэй-харах, уос-тиис буолар буоллаҕына, билигин кэлии омугунан ааҕыллар тыһыынчанан  миграннар маннык быһыыланыахтара суоҕа диэн итэҕэйэҕит дуо?! Киһи хомойоро диэн баар, ытыктаан-маанылаан, өрө анньан таһаарбыт “табаарыспыт” итинник сэнээн быһыыланар буоллаҕына, “эн-мин” дэспэтэх миграннарбытыттан тугу булан ылыахпытый?!

***