Сорох депутаттар, чуолаан Семен ИВАНОВ ("Туймаада-лизинг" ААО генеральнай дириэктэрэ) итирдэр утах атыытын өссө икки чааһынан аччатан биэриэххэ диэн тыл көтөхпүтэ да, сатамматаҕа. Хата, төттөрүтүн бэйэлэрэ чааһынай маҕаһыыннаах депутаттар эбии икки чааһы, ол аата 12.00 - 20.00 чааска диэри уһаттара сатыыллара иһиллэр.
Биллэн турар, атыыга саамай элбэх уонна түргэн харчыны итирдэр утахтар "оҥороллор", онон атыыһыт-депутаттар барыстарын сүтэримээри "күөх моҕой чааһын" уһаттара сатыыр интэриэстээхтэр. Эмиэ бу лоббист-депутаттар "өҥөлөрүнэн" олорор дьиэ бастакы этээстэригэр баар маҕаһыыннарга арыгы, пиибэ син биир атыыланарын курдук атыылана турар. Дьиҥинэн, правительство көҕүлээһининэн тохсунньу 1-гы күнүттэн олорор дьиэлэргэ баар маҕаһыыннар арыгыны атыылыыллара бобуллуохтааҕа. 
Парламеҥҥа сыһыаннаах дьон кэпсииллэринэн, арыгы интэриэһин "лоббируйдуур" биир саамай уохтаах депутатынан - ЛДПР "мосхоҕоло" Гаврил ПАРАХИН буолар эбит. ПАРАХИН чааһынай тэрилтэтэ "CARMEN" диэн Уһук Илиҥҥэ уонна Сибииргэ биллэр бренд Саха сиринээҕи официальнай дилерэ (хаһаайына?), республикаҕа 9 филиаллаах.
"CARMEN" автодом РОСНЕФТЬ, ENIOS,  CHEVRON, MOTUL, MITASU, SHELL,  XADO, MASUMA, KYB фирмалар официальнай дилердэрэ. Урбаанньыт атын салааҕа (ол иһигэр бородуукта атыылыыр) эмиэ маҕаһыыннаах диэн этэллэр.
ПАРАХИН Ил Түмэҥҥэ саҥа талыллыбыт депутат.  41 саастаах депутат парламент үс кэмитиэтин чилиэнэ: Государственнай тутул уонна сокуон оҥорор кэмитиэт, Экономикаҕа, инвестиционнай уонна промышленнай политикаҕа, урбааҥҥа, туризмҥа уонна инфраструктура сайдыытыгар кэмитиэт, ону сэргэ Дьиэ кэргэн, оҕо, ыччат, физкултуура уонна спорт кэмитиэтигэр баар. ПАРАХИН  ыччакка, оҕоҕо, дьиэ кэргэҥҥэ итирдэр утах хайдах курдук суоһарыылааҕын өйдөөбөтө буолуо дии саныыр кэрэгэй. Тус бизнеһин интэриэһин өрө тутар депутат-атыыһыт дьиҥнээхтик "норуот депутата" диэн ааттанара табыллар дуо?
***
СПРАВКА: ПАРАХИН Гаврил Павлович, Якутское региональное отделение политической партии "Либерально-демократическая партия России". Членство в комитетах: 

Постоянный комитет по государственному строительству и законодательству - член комитета;
Постоянный комитет по делам семьи, детства, молодежи, физической культуре и спорту - член комитета;
Постоянный комитет по экономической, инвестиционной и промышленной политике, предпринимательству, туризму и развитию инфраструктуры - член комитета.

Биографическая справка
В 1994 году окончил Якутский государственный университет им. М.К. Аммосова по специальности "физическое воспитание" с квалификацией "учитель физической культуры".

Трудовая деятельность: