ИЛЬКОВСКАЙ Саха сириттэн урукку президент В. ШТЫРОВЫ кытары сатаспакка барбыта дэнэр. Ол кэнниттэн ИЛЬКОВСКАЙ бастакы президени -Михаил НИКОЛАЕВЫ кытары элбэхтик бииргэ сылдьара бэлиэтэммитэ. Онуоха кинини "Ил Дархан дуоһунаһыгар элиэтии сылдьар" диэн сурах тарҕаммыттааҕа. 
ШТЫРОВЫ кытары сатаспакка барбыт киин куорат мээрэ Илья МИХАЛЬЧУК Архангельскай уобалаһыгар губернаторынан ананан баран хас да саха чиновнигын үлэлэтэ ылбыта. ИЛЬКОВСКАЙ  мантан Федор ЛУКОВЦЕВЫ ("Эрэл" НПФ) уонна Алексей ШЕМЕТОВЫ ("Сахаэнергосбыт" гендириэктэрэ, Ил Түмэн депутата этэ) ыҥыртаабыта. Бу дьон атын сиргэ табыллан үлэлээтэллэр ханнык. 
***
К.ИЛЬКОВСКАЙ губернатор дуоһунаһыгар үктэнэр сиэригэр-туомугар Саха сириттэн "Виртуозы Якутии" скрипачтар ансаамбыллара ыҥырыллыбыт. Ыҥырыыны "СР" партия олохтоох салаатын салайааччыта Федот ТУМУСОВ эмиэ туппута иһиллэр. Ону сэргэ ИЛЬКОВСКАЙ кэлиҥҥи  үлэлээбит тэрилтэтиттэн 8 киһини ыҥырбыт.
Бу иннинэ ИЛЬКОВСКАЙ "эсердэртэн" Госдумаҕа талыллан үлэлии сылдьыбыта.
***
Аартык.ру