Сотору кэминэн "эсердэр" фракция салайааччытын талыахтара. Саамай тиһэх тылы Федот ТУМУСОВ уоһа ыһыктара сэрэйиллэр. 
Партия иһигэр билигин улахан мөккүөр буола турар. ФЕДОРОВЫ талыахха диэччилэр, бастатан туран, бизнесмен сиэбин ыйаллар: өссө да кэлэр быыбарга харчы наада, иккиһинэн, омугун чорботоллор: промышленнай улуустар "бэйэлэрин киһилэрэ" салайааччынан талылыннаҕына кучуйсан "эсердэр" кэккэлэрин хаҥатыахтара. Оттон ЕГОРОВАНЫ сыыттааччылар куоһурдара - Бүлүү сүнньүн улуустара үгэс курдук "сиэрдээхтэргэ" саамай элбэх куолаһы биэрэллэр, кинилэри ытыктаан Сунтаар кыыһын талыахха дииллэр. Иккиһинэн, партияттан партияҕа көһө сылдьар ФЕДОРОВ "эсердэр" чилиэннэрэ даҕаны буолбатах, хаһан баҕарар кинилэрдиин быраһаайдаһар кыахтаах, оттон ЕГОРОВА партия чилиэнэ, саҥа, эдэр кэскиллээх политик, репутацията ыраас.  
Ааспыт Ил Түмэн төрдүс мунньаҕар  "эсердэр" салайааччыларынан Ольга ФЕДОРОВА (экономика миниистирэ) үлэлээбитэ.
*** 
"Сиэрдээхтэр" былаахтара - Зоя КОРНИЛОВА бу сырыыга парламеҥҥа ааспата - аҕыйах куолаһы ылбыт. Тумусовтаахха кэлин сыстыбыт Екатерина НИКИТИНА эмиэ парламеҥҥа ааспата диэн партиецтар этэллэр. Хата, ол оннугар билигин Москубаҕа олорор Василий ВЛАСОВ норуот депутатынан буолбут. 
***
Аартык.ру