От ыйын 14 күнүгэр, Мэхээлэ ЭЭБИРИСТЭП "Гражданскай платформа" партия быыбар иннинээҕи офиһыгар кэлэн сэмэй баҕайытык испииһэктэн тахсарын туһунан сайабылыанньа суруйан баран элэс гынан хаалбыт. "ГП" лидерэ Афанасий МАКСИМОВ хараҕар көстүөн тоҕо эрэ баҕарбатах. МАКСИМОВ бэйэтэ бу быһылааны:
- Биһиги партиябыт демократическай принциби өрө тутар. Кими да күүһүлээн тутар бырааппыт да, баҕабыт да суох. Хас биирдии киһи бэйэтэ быыбарга кыттар да, кыттыбат да бырааптаах. Киһи быһаарыныытын биһиги убаастыыбыт, - диэн ордук туох да хос саҥата суох  комментарийдаата.  
***
Оттон партия иһинээҕи атын кэпсээнтэн иһиттэххэ, "ГП" испииһэгэр кандидатынан киллэрэргэ Ылдьыыс уонтан тахса киһини бэйэтин кытары аҕалбыт. Билигин Ылдьыыһы батыһан ким да "тахсабын" диэн аһаҕастык этэ илик. Балаҕан ыйын 8-гар  диэри өссө үс нэдиэлэ баар. Күүтэбит.
Мэхээлэ бэйэтэ төлөппүөнүнэн сарсыарда кэпсэтэ сылдьыбыппытыгар күнүс 02 чааска диэри пресс-конференцията ханна буоларын чопчу быһаарыах буолбута даҕаны ууга тааһы бырахпыттыы им-ньим. Киэһэлик сураһа сатаатыбыт да, "чаҕылхай уол" төлөппүөнүн ылбат. Арааһа Москуба хайысхатынан бэлиэр  түһүммүтэ дуу...
***
Аартык.ру

Хаартыскаҕа М.И.Эверстов "ГП"  Ил Түмэн быыбарыгар кыттыахтаах кандидаттар испииһэктэрин бигэргэтэр  конференциятыгар.