Сир-буор аннынан сурах тарҕаммытынан сылыктаатахха, өрөспүүбүлүкэҕэ эмиэ «быдан дьыллар» быыбар иннинээҕи ыар тыыннара тунуйан кэлбит курдук. Урут, СӨ правительствотын бэрэссэдээтэлинэн олорон «Саха» иһитиннэрэр-көрдөрөр хампаанньаҕа күндү ыалдьыт буолар Василий Власов, «Сиэрдээх Арассыыйа» баартыйа кэккэтигэр киирээтин кытары «аптаах дьааһыкка» саа тэбиитигэр чугаһатыллыбат дьон ахсааныгар киирбит. Ити туһунан бүгүн, «СА» салайааччыта Сергей Миронов пресс-конференциятыгар «сиэрдээхтэр» сайтарыгар үлэлиир суруналыыс уоһуттан иһилиннэ.